Burela, 19 de xuño de 2022. Máis de 200 deportistas chegados de diferentes lugares de Galicia e Asturias déronse cita este domingo nunha nova edición da 15 K A Mariña Banco Mediolanum, que tras dous anos de parón motivado pola Covid 19 retomou a súa actividade de forma exitosa.
O numeroso público asistente puido ver como Cristian Expósito e Carla Trillo coroábanse como vencedores da que é xa a cuarta edición desta carreira que discorre entre os concellos de Foz e Burela.
A proba partiu ás 11:00 do centro Activity Center de Burela para, a partir de aí, realizar un percorrido espectacular de 15 kms pola Mariña Lucense ata chegar ás inmediacións da Praia da Rapadoira, na que estaba situada a zona de meta.
Na clasificación masculina acompañaron a Expósito no segundo e terceiro posto Noel Fernández e Carlos Sánchez. Mentres tanto, eran Ana González e Romina Reimondo quen cruzaba a meta en segunda e terceira posición feminina tras unha Carla Trillo que demostrou un gran estado de forma.
Todas aquelas persoas que quixeron formar parte do evento pero que non participaron na carreira, realizaron unha andaina polo mesmo percorrido con saída ás 10:00 horas.
A organización puxo ao dispor de todos os e as participantes un servizo de autobuses para poder retornar unha vez finalizado o percorrido ao momento de partida.
Cómpre destacar que nesta edición e impulsado por Banco Mediolanum, ademais da fila cero habilitada, un euro de cada inscrición foi doado á asociación ADACE para apoiar o gran labor que desempeñan en prol do deporte adaptado.
Tampouco faltou a presenza do xornalista deportivo Terio Carrera que un ano máis puxo voz a unha carreira que xa se converteu nunha clásica no calendario de carreiras populares en Galicia. O circuíto 15 K series Banco Mediolanum terá a súa seguinte parada o 2 de outubro na costa lucense coa 15 K “do atlántico” entre Oia e A Guarda.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
