Mercedes Queixas avoga por recuperar o consenso lingüístico que o PP rachou de maneira unilateral co “decreto da vergoña”, e con políticas desgaleguizadoras impulsadas dende a Xunta durante doce anos
Santiago de Compostela, 1 de Xuño, 2022. A deputada nacionalista, Mercedes Queixas presentou as propostas do BNG para a restitución do galego no “camiño da igualdade lingüística” e afirmou que a o BNG está coa maioría da sociedade galega que lle quere a lingua. Neste sentido, avanzou que urxe “impulsar un novo marco normativo após 40 anos de LNL adaptado ao contexto sociolingüístico actual, un plan social de recuperación da lingua galega na infancia e mocidade para reverter a continuada perda de falantes, un Decreto da Igualdade Lingüística no Ensino sen prohibicións para garantir o dereito de aprendizaxe e uso da lingua galega e desenvolver a Lei Paz Andrade para un maior coñecemento do portugués.
A deputada anunciou que estes catro axiomas serán desenvolvidos nun goberno liderado polo BNG e reprobou as “políticas desgaleguizadoras” impulsadas dende a Xunta por un Partido popular aliado do negacionistas, “contra a ciencia” e fora do “consenso” sociolingüístico.
Queixas urxiu ao PP a “volver ao consenso pola igualdade lingüística” e abandonar “posicións extremas de ataque ao galego” que impiden a liberdade da súa aprendizaxe e uso.
Dende o BNG, dicimos, “plurilingüísmo si, pero sempre dende o galego” porque “Amamos e defendemos a pluralidade lingüística pero nunca a custa de deixar arrombada a nosa lingua no faiado” como afirmaba Agustín Fernández Paz.
Mercedes Queixas lembrou que o Partido popular chegou ao goberno hai 13 anos abrazado á “mentira da imposición do galego” e persiste nesa mentira manipulando de forma perversa os datos negativos que confirman que “o galego é a única lingua do Estado que perde falantes”, o PP, reiterou, continua instalado no “negacionismo” e practicando “a ilegalidade, a anticiencia e o desacato”.
Ilegalidade, dixo, porque incumpre o mandato da Lei de normalización lingüística, que insta a conseguir plena competencia nas linguas oficiais ao final da etapa obrigatoria.
Anticiencia porque ignora os estudos científicos da RAG e do CCG, e os datos do IGE que testemuñan con rigor científico o incumprimento dese mandato legal e a perda de falantes. E desacato porque ignora os sucesivos informes do Consello de Europa instando á Xunta a “eliminar as limitacións para o ensino en galego en todos os niveis educativos”.
O PP practica a desigualdade desde unha política desgaleguizadora no ensino e desincentivadora nos usos sociais, sobre todo, na socialización da infancia e da mocidade nos espazos de lecer. O PP, remarcou a nacionalista, pasará a historia por “non levar ningunha medida para o avance do galego”.
Na súa intervención afirmou que os datos reflicten un nivel de coñecemento, segundo o IGE, do 23,9% da poboación entre 5 e 14 e a Real Academia Galega ven de analizar as competencias lingüísticas do alumnado ao rematar a ESO concluíndo que até o 35% do alumnado castelanfalante remata a ESO cunha escasa competencia en galego.
Por outra parte, unha investigación recente da UVigo constata que o forte investimento no ensino en inglés, ( único idioma reforzado no “plurilingüísmo” do PP), non serviu para mellorar a competencia do alumnado nesta lingua, senón para “derivar maior investimento ao ensino privado en detrimento do público”.
Os anunciados Plan de dinamización da lingua galega na mocidade (2019-2022) e mais o Plan de dinamización da lingua galega no tecido socioeconómico (2016-2020) quedaron en “papel mollado”, indicou.
Para a deputada, “o PP está privando á infancia galega da liberdade de aprender o galego” e moito nos tememos, dixo, que esta liña continuará con Rueda sobre o que non temos ningunha esperanza xa que a vista está como accedeu ao goberno, “amparando as prohibicións do galego no ensino” e secundando a grupos minoritarios contra a lingua galega.
Mercedes Queixas apelou a abrir un debate para acadar un novo marco normativo que impulse e protexa a aprendizaxe do galego e garantir a liberdade do seu uso.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
