Montserrat Prado rebate o “falso relato” do Sergas sobre xs profesionais: faltan porque non lles ofrecen condicións dignas como si fan noutros sitios
Santiago de Compostela, 14 xuño 2022. A portavoz nacionalista de Sanidade, Montserrat Prado, acusou á Xunta no Parlamento galego de insistir en crear falsos relatos sobre a situación sanitaria en Galiza cando a Atención Primaria se atopa nunha situación que cualificou de “auténtica alerta sanitaria”, consecuencia de 13 anos de recortes do Goberno do PP.
“A falta de profesionais non é froito da caída dun meteorito nin tampouco dun tsunami que levou por diante a todos e todas as médicas, é consecuencia de 13 anos de recortes inmisericordes do seu Goberno”, recriminou ao conselleiro de Sanidade logo da súa comparecencia no Parlamento galego.
Neste sentido, Prado recordou que o BNG xa defendeu iniciativas parlamentarias en 2014 para urxir á Xunta a articular medidas fronte ás xubilacións inminentes no sistema sanitario galego e moitas outras ao longo dos últimos anos para que actuase de igual xeito fronte á precariedade do persoal sanitario, iniciativas todas elas rexeitadas polo PP.
“Levamos anos advertindo de que isto ía acontecer e pedíndolles que tomaran medidas e non quixeron; non quixeron porque esa é a folla de ruta, reducir a sanidade pública para engordar a privada”, reprobou con severidade, logo de recordar que, a día de hoxe, hai na Atención Primaria máis de 700 médicos e médicas, máis de 200 pediatras e máis de 550 profesionais de enfermería a piques de xubilarse, sen que o Executivo do PP planificase o seu relevo.
A deputada do BNG criticou deste xeito o “falso relato” do Sergas de que agora que o problema non é de recursos senón de falta de profesionais, cando é evidente que con menos recursos as condicións laborais do persoal sanitario empeoran e o nivel de precariedade aumenta, o que fai que prefiran outras alternativas que as que se lles ofrecen en Galiza. “En Francia ofrécenlles o dobre de salario, horarios de 08 a 15h, sen quendas de fin de semana e con consultas de 30 persoas como máximo e non como aquí que comezan en 30 e acaban con 60 ou 70; e a vostede sorpréndelle que non queiran quedarse na Atención Primaria galega”, reprendeu.
“As únicas solucións que poñen sobre a mesa son ocorrencias como pisos en Sanxenxo ou baños de bosque, convertendo ademais nunha poxa a necesidade de dotarse de médicos e médicas porque que pasa cos concellos que non poidan ofrecer pisos na praia? Van ter médicos para cubrir ou non?”, cuestionou para criticar a continuación que agora o Sergas lles ofreza ás e aos profesionais “uns incentivos de arredor de tres euros a hora para que asuman o traballo de dous ou tres cupos, para que continúen pola tarde e ademais facer gardas nos PACs”.
Para Prado, é evidente que “a menos orzamento, menos sanidade pública” e, neste sentido, recordou que o orzamento da Atención Primaria de 2022 non só é inferior ao de 2021, senón mesmo ao de 2009 e, nesta liña, recordou que Galiza ocupa a terceira posición pola cola no Estado en investimento en Atención Primaria e en remuneración de persoal, segundo o informe de Asistencia Sanitaria que o ministerio publicou en abril.
“Si é cuestión de cartos; de cartos, de planificación e de non maltratar sistematicamente ás e aos profesionais”, deduciu na súa análise, para concluír reprochando ao conselleiro as cifras sobre coberturas de prazas durante a súa comparecencia. “Os seus datos son cuestión de fe porque nos orzamentos non están; levamos anos reclamándolles un sistema de identificación de prazas para saber cal é a realidade e non o fan porque teríanse que enfrontar a ela e vostede non podería vir aquí a dicir o que lle dá a gana”, rematou. Montserrat Prado rebate o “falso relato” do Sergas sobre xs profesionais: faltan porque non lles ofrecen condicións dignas como si fan noutros sitios
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
