O problema dáse, entre outras, na Rúa de Lavandeiras, e os veciños din que o ruído resulta molesto de día e que de noite é insoportable
Viveiro, 13 de xuño de 2022. Con frecuencia, a solución dos problemas que molestan aos veciños depende máis da vontade política que da disposición de recursos. En Viveiro, a falta de vontade por parte do goberno local, presidido pola socialista María Loureiro, é tal que nin eses problemas resolve. Os populares defenderán unha iniciativa na próxima sesión plenaria para instar ao goberno municipal a adoptar as medidas necesarias para corrixir o deficiente asentamento das tapas de rexistros en rúas de Celeiro.
O portavoz popular, Óscar Rodríguez, indica que na Rúa Lavandeiras, en Celeiro, algunhas das tapas de rexistros están mal asentadas e, cando pasan sobre elas os vehículos, móvense e producen un forte e desagradable ruído; é algo que resulta molesto para os veciños a todas as horas dos día, pero moito máis durante a noite.
Rodríguez di que sería sorprendente que a alcaldesa e o seu equipo non tiveran coñecemento deste problema. Se o coñecían, e non fixeron nada, é grave, destaca o portavoz popular; e, se non teñen información, malo tamén. Explica: “En todo caso, o grupo municipal do PP faise eco das queixas dos veciños e levará este asunto ao pleno, polo que ao goberno non lle quedará máis remedio que tomar as medidas precisas. Se non o fai, terá que explicarllo aos veciños”. Propón que o Concello efectúe unha revisión das tapas de rexistro nas rúas da cidade para comprobar onde se dá este mesmo problema para corrixilo o antes posible.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
