Santiago de Compostela, 9 de xuño de 2022. O coordinador dos representantes do PSdeG no Congreso e no Senado, César Mogo, amosou hoxe a súa satisfacción pola eliminación do voto rogado para os residentes no exterior, que foi aprobada hoxe no Congreso a proposta do Partido Socialista.
Esta reforma, que se fixo “atendendo e entendendo o que nos dixeron dende a emigración”, permite eliminar as trabas burocráticas á que estaban sometidos os emigrantes para poder exercer o seu dereito ao voto e, en consecuencia, “corrixir un erro que a política cometeu hai anos”. “Dende hoxe”, proclamou César Mogo, “volvemos a ser todos iguais, como non podía ser doutro xeito”.
Mogo sinalou que a supresión do voto rogado vai permitir que se melloren as condicións para facilitar o voto dos emigrantes, con -entre outras medidas- máis centros para poder exercer este dereito, coa ampliación de prazos para poder votar ou coa opción de poder descargar da web do INE as papeletas de voto. Tamén salientou as garantías que achega para que “ninguén poida meter nunca a man na vontade dos galegos e galegas” á hora de decidir a quen queren amosar o seu apoio nunhas eleccións.
“Estamos”, dixo, “ante unha reforma que conleva mellores evidentes é que é moi importante para milleiros de paisanos que viven fóra”. “É o que lles debíamos e o que cumprimos hoxe”, eloxiou.
En calquera caso, César Mogo lamentou que houbese algunha forza política, como o BNG, que decidise “quedar fóra deste gran acordo que puxemos enriba da mesa os socialistas”. Criticou que “coa súa abstención, os nacionalistas galegos dixeron que non a que o voto rogado desaparecese, a que se eliminasen as condicións adicionais que se lles poñían aos nosos emigrantes e a que se lles facilitase, en definitiva, o dereito ao voto”.
Fronte a esta postura, salientou que “o PSOE cumpriu cunha débeda que tiña cos residentes no exterior nun exercicio de coherencia e sumamos a moitos outros grupos a esta proposta”. Grazas a iso, “estamos ante un dereito conquistado para todos os galegos e galegas residentes no exterior”. “Que o desfruten”, concluíu.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
