Representantes do Goberno galego e dos concellos implicados en cada ruta mantiveron senllas xuntanzas para valorar a constitución dun órgano xestor que traballaría en iniciativas e accións de promoción conxuntas
Lugo, 14 de xullo de 2022.- A Xunta de Galicia impulsa a creación das mesas do Camino Norte e do Camiño Primitivo co obxectivo de aglutinar os esforzos dos concellos polos que discorren e coordinar propostas conxuntas, seguindo o modelo da Mancomunidade de Municipios Galegos do Camiño Francés, que funciona dende hai décadas.
A Delegación Territorial da Xunta en Lugo hoxe acolleu dúas xuntanzas, a primeira cos municipios do Camiño Primitivo e a segunda cos do Camiño Norte. Por parte do Goberno galego asistiron o delegado territorial, Javier Arias, e o Director de Administración e Relacións coas Asociacións de Amigos do Camiño, Ildefonso de la Campa. Ambos destacaron que a suma de sinerxías e a creación de órganos xestores para cada ruta facilitaría o labor de promoción, a programación de accións e actividades e o acceso ás subvencións e axudas públicas, entre outras vantaxes.
Os municipios galegos polos que atravesa o Camiño Primitivo son os da Fonsagrada, Baleira, Castroverde, Lugo, Guntín, Friol, Palas de Rei, Toques e Melide. No Camiño Norte están Ribadeo, Barreiros, Lourenzá, Trabada, Mondoñedo, Abadín, Vilalba, Begonte, Guitiriz, Friol, Sobrado, Vilasantar, Boimorto, Arzúa e O Pino.
Nesta primeira toma de contacto, os asistentes valoraron a proposta e amosáronse receptivos a estudar o contido e a figura que daría forma a unión dos concellos no obxectivo común de potenciar as rutas. Dado o seu coñecemento sobre organismos similares á Mancomunidade de Concellos Galegos do Camiño Francés, ambas convocatorias contaron coa asistencia do presidente da Asociación de Amigos do Camiño de Santiago na Provincia de Lugo, Ángel Trabada, para aconsellar e expoñer as distintas liñas de actuación que poderían seguir os concellos que integren estas mesas.
Antecedente
Os estatutos da Mancomunidade de Concellos Galegos do Camiño Francés aprobáronse no ano 2001, logo dun proceso no que cada un dos concellos participantes aceptou a incorporación ao organismo.
Desde entón, vén sendo un axente dinamizador da ruta e un interlocutor coas administracións no que respecta á súa conservación e promoción. A Xunta mantén unha estreita colaboración coa Mancomunidad. Así, o pasado mes de marzo asinou un protocolo de colaboración coa entidade para levar a cabo actuacións de mellora paisaxística e de promoción do Xacobeo neste Camiño.
Este protocolo será o paso previo para executar o convenio bianual 2022-2023, dotado con máis de 1 millón de euros e destinado a medidas tanto para a propia mancomunidade como de forma individual aos 11 concellos que a integran para traballos de mellora paisaxística e embelecemento de recursos do Camiño, así como actividades culturais e turísticas de promoción do Xacobeo 21-22.
Mostras de condolencia
Antes do comezo de cada unha das reunións, os participantes amosaron as súas condolencias polo falecemento de Aída Menéndez, a principal impulsora do Camiño de Inverno.
Arias gabou “o incansable traballo que fixo durante décadas para promover esa ruta e conseguir a súa oficialización”. A Xunta colaborou coa Asociación de Amigos do Camiño a Santiago pola Ribeira Sacra, que ela presidía, e asumiu os estudos e a tramitación que conduciron ao recoñecemento como ruta oficial no ano 2016. “Defendendo ese itinerario, axudou a facer máis grande o Camiño”, afirmou o delegado.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
