Fai fincapé nas boas previsións que se agardan de cara ao verán en canto á ocupación turística cunha media do 75-90% entre xullo e agosto
Ourol, 5 de xullo de 2022. O presidente da Xunta, Alfonso Rueda, destacou hoxe o apoio da Xunta ao turismo como un dos motores para dinamizar a economía e o emprego rural. A este respecto, fixo alusión á liña de axudas para a mellora de infraestruturas de establecementos turísticos (2 M€), ás achegas aos concellos de ata 10.000 habitantes para a recuperación de recursos turísticos, aos acordos coa Federación Galega de Turismo Rural para impulsar as reservas online, aos plans de Sustentabilidade Turística en Destino ou á creación de Xeodestinos.
Ademais, tamén se referiu ao programa Leader ao que o Goberno galego destinou entre 2014 e 2020 71,5 M€ de axudas públicas para apoiar case 1.500 proxectos que consolidaron ou xeraron máis de 4.000 empregos.
Durante a inauguración do que será o primeiro complexo de turismo rural vegano de Galicia, que estará integrado por 7 inmobles, contará con 31 prazas de aloxamento e terá no seu restaurante unha carta 100% vexetal, Rueda agradeceulle á promotora, Hardly Pascale, que apostase por un proxecto que supón devolverlle a vida a unha aldea que levaba abandonada desde hai máis de 30 anos.
Sobre este punto, o presidente da Xunta insistiu en aínda que o turismo rural e sostible está en auxe e Galicia xa é un destino de referencia, é preciso seguir impulsando iniciativas innovadoras para revitalizar as nosas aldeas. Galicia ten un verdadeiro potencial nas súas aldeas, ten natureza, paisaxes e recunchos e establecementos turísticos de excelencia dixo, poñendo en valor que dos 31 aloxamentos rurais que teñen o distintivo Q de calidade Turística en España o 61 % están na nosa Comunidade.
Por último, Rueda fixo fincapé nas boas previsións que se agardan de cara ao verán en canto á ocupación turística cunha media do 75-90% entre xullo e agosto, logo de que nos primeiros cinco meses do ano se rexistraran 1,7 millóns de viaxeiros aloxados e 159.000 compostelas entregadas.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
