A conselleira de Medio Ambiente, Territorio e Vivenda e o delegado territorial da Xunta en Lugo visitaron esta mañá unha das zonas na que se están a desenvolver os traballos
Ribadeo, 31 de agosto de 2022. A Xunta de Galicia ten previsto destinar case 0,5 millóns de euros a un proxecto de recuperación do río Eo a seu paso polos municipios de A Pontenova, Trabada e Ribadeo. A intervención executarase ao longo de 25,9 km de río divididos en 3 treitos co obxectivo de mellorar o estado de conservación dunhas 84 hectáreas deste corredor ecolóxico, que separa de forma natural Galicia e Asturias.
Durante unha visita esta mañá a unha das zonas obxecto da actuación, a conselleira de Medio Ambiente, Territorio e Vivenda, Ángeles Vázquez, tivo ocasión de comprobar sobre o terreo os resultados dos primeiros traballos acometidos desde que o pasado mes de maio se iniciaran oficialmente as obras.
En concreto, Ángeles Vázquez explicou que no marco do proxecto se prevén realizar tarefas de control e erradicación de especies exóticas invasoras —Crocosimia x crocosmiflora, Helichrysum petiolare, Acacia melanoxylon e Acacia dealbata— cunha atención especial ás presentes no tramo baixo entre A Pontenova e Ribadeo, así como traballos de retirada de árbores mortas na canle e nas ribeiras fluviais, poñendo o foco nos amieiros afectados por fungos.
Ademais, nas zonas anteriormente descritas, tamén se procederá a reforzar as poboacións de especies autóctonas de hábitats de interese comunitario, como poden ser os bidueiros, freixos, salgueiros, espiños brancos ou carballos.
En canto á fauna ictícola, instalarase un contador de paso como medida de apoio para o seguimento das especies migradoras presentes no río —anguía, lamprea, reo e salmón—. Grazas a este dispositivo poderase contar o número de individuos, medir o seu tamaño, almacenar imaxes e tomar a temperatura da auga, unha información valiosa para avanzar no coñecemento que se ten sobre o comportamento migrador destes peixes.
Por último, o proxecto inclúe traballos para a restauración ecolóxica de sendas, adecuando viarios e camiños existentes entre Ribadeo e a desembocadura do río Trabada ao longo de 10,4 km, empregando en parte a antiga ruta do tren mineiro entre Ribadeo e Vilaodrid, e instalando dous observatorios e tres pousadoiros para aves.
Acompañada polo delegado territorial da Xunta en Lugo, Javier Arias, e pola directora xeral de Patrimonio Natural, Belén do Campo, a conselleira explicou que esta iniciativa é unha das máis importantes que executará o seu departamento grazas aos fondos do programa NextGenerationUE reservados á conservación e restauración de ecosistemas mariños e terrestres e a súa biodiversidade: 26 millóns de euros de aquí ao ano 2026. A finalización dos traballos está prevista para o ano que vén.
Iniciativa complementaria
Tras sinalar que todas as intervencións previstas se centrarán nas marxes galegas do río, Ángeles Vázquez indicou que, en todo caso, a zona tamén se verá beneficiada polos resultados doutro proxecto similar que está a desenvolver o Principado de Asturias na súa parte do corredor, cun investimento estimado tamén en 0,5 millóns de euros.
Ademais, indicou que esta iniciativa de recuperación ecolóxica do río Eo tamén dá continuidade ao programa LIFE fluvial, xa finalizado e no que participaron diferentes entidades galegas e asturianas co fin de acadar unha xestión sostible de corredores fluviais da rexión atlántica ibérica, sendo o Eo un dos espazos nos que se actuou.
“Galicia é unha auténtica xoia natural e por iso temos que ir facendo actuacións como esta porque, ademais, había que darlle continuidade a ese LIFE fluvial agora que tiñamos a oportunidade de ter estes fondos europeos”, declarou.
Neste sentido, a conselleira subliñou a importancia da intervención que se está a acometer desde hai uns meses nesta zona, que forma parte da Reserva de biosfera Río Eo, Oscos e Terras do Burón, a cabalo entre Galicia e Asturias, e conta con numerosos espazos incluídos en Rede Natura 2000.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
