Xunto co festival, organízase a X edición da Foliada do Emigrante, o venres.
Barreiros, 4 de agosto de 2022. O Festival do Emigrante, que se celebrará este sábado, chega á súa XXXIX edición, despois de dous anos nos que non se puido celebrar pola situación sanitaria.
Nesta ocasión, a cita folclórica organizada pola Agrupación Folclórica O Arco da Vella e o Concello de Barreiros, contará con grupos chegados de Georgia e México. A cita terá lugar a partir das 22 horas, no pavillón do CEIP de San Miguel, a onde se decidiu trasladar debido á inestabilidade meteorolóxica. Alí actuarán “The Ensemble University Fliying Georgians” e a “Compañía de Danza Folclórica Tierras Mexicanas”, xunto coa agrupación local O Arco da Vella.
O presidente da agrupación folclórica, Enrique Penabad, sinala que esta é “a cita máis importante do ano para quen compoñen a agrupación, pola visibilidade internacional e porque é un momento de emoción no que sempre estreamos algunha peza nova”.
O festival comezou coma una especie de homenaxe ás persoas que tiveran que marchar e volvían no verán, permitíndolles desfrutar do folclore que se practicaba no seu pobo durante todo o ano. “Aínda que mantén en parte esa función, o Festival do Emigrante traspasou ese límite e tense convertido nunha cita de renome dentro de Barreiros, o que favoreceu o seu nomeamento como Festa de Interese Turístico, proxectando o seu incalculable valor na posta en valor das músicas e tradicións propias”, sinalou a alcaldesa.
X edición da Foliada do Emigrante
Cada vez máis consolidada tamén está a Foliada que precede ao festival. Desde hai 10 edicións, o venres anterior ao festival, o Arco da Vella tamén promove una foliada na que nesta ocasión participarán, ademais da asociación organizadora, as asociacións culturais Amado Lar do Valadouro, Arume de Burela, Amigos da Gaita de Ribadeo e Brisas do Eo de Santirso.
Ao igual que no caso do festival, a previsión meteorolóxica fixo que a celebración da Foliada se trasladara ao interior, neste caso á Sala Metro, situada a poucos metros da Praza do Souto. A cita coa música galega dará comezo a partir das 21:30horas.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
