José Manuel Barreiro, Rosa Arza e Manuel Lorenzo Varela explican que o problema, que se repite ano tras ano, obedece, por un lado, ao déficit de examinadores e, por outra parte, ao método que aplica a DGT para limitar o número de alumnos a examinar
Lugo, 27 de agosto de 2022. Dispoñer de permiso de conducir constitúe, máis que un desexo vinculado ao ocio, unha necesidade, que en moitos casos se converte en condición necesaria para o acceso a postos de traballo. O verán é o tempo elixido por miles de mozos para obter o carné de conducir. O déficit de examinadores e o sistema establecido para limitar o número de alumnos a examinar está a crear problemas en toda España, e a provincia de Lugo non é allea a eles. Os senadores populares por Lugo, José Manuel Barreiro, Rosa Arza e Manuel Lorenzo Varela presentan unha batería de preguntas ao Goberno en relación con este asunto, entre outras cousas para saber se ten pensado poñer en marcha algunha medida para solucionar o problema das listas de espera na provincia de Lugo e para evitar que volva suceder o próximo verán.
Os senadores populares explican que “igual que o verán pasado, este ano multitude de alumnos da provincia de Lugo que están preparados para examinarse do carné de conducir non poden facelo porque se atopan nunha longa lista de espera”. Indican que este problema, “que está a provocar un verdadeiro colapso en moitas cidades españolas, afecta tamén a Lugo e a situación é preocupante porque gran cantidade de mozos e mozas aproveitan o período estival para presentarse ao exame de conducir e, ademais, moitos deles están pendentes de conseguir un emprego para o cal precisan ter o carné de conducir”.
Arza, Barreiro e Lorenzo Varela destacan que “segundo as autoescolas lucenses, o problema obedece a dous motivos fundamentais: por unha banda, á falta de examinadores (Lugo só conta con 7 para toda a provincia, e algúns deles atópanse de vacacións nesta época do ano); doutra banda, ao sistema que emprega a DGT para limitar o número de alumnos a examinar (método CAPA), e que limita tanto a capacidade produtiva como a actividade profesional das autoescolas, sobre todo en épocas do ano con gran demanda, como é o verán”.
Os populares queren saber como xustifica o Goberno que só haxa sete examinadores da DGT dando servizo a toda a provincia de Lugo. Preguntan por que o Goberno non soluciona o problema das listas de espera para acceder ao exame de conducir, porque é un problema que se vén repetindo ano tras ano na provincia de Lugo.
No PP interésanse por saber se o Goberno considera que o método CAPA empregado pola DGT para limitar o número de alumnos que se van a examinar do carné de conducir dificulta o acceso dos alumnos lucenses á proba, particularmente en épocas como a estival.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
