Na mesma liña, no PP avanzan que queren axudas da Deputación para as empresas, “axuda que non viron ata agora fronte aos elevados custos de produción e a conseguinte caída da competitividade, que leva algúns a pensar incluso en perder postos de traballo
Lugo, 19 de setembro de 2022. Ao presidente da Deputación, o socialista José Tomé, gústalle a película Lo que el viento se llevó, sen dúbida unha das xoias do cine. O malo é que a xestión de Tomé á fronte da Deputación está a conseguir que Lugo sexa unha provincia á que se pode aplicar o título de tal peza cinematográfica. O portavoz do PP na Deputación, Javier Castiñeira, di que no grupo provincial popular néganse “a pensar que a provincia de Lugo é a provincia de Lo que el viento se llevó do presidente da Deputación, o socialista José Tomé”. Engade: “Non queremos que se nos vaian as industrias a causa da política enerxética do Estado, non queremos que as estradas estean no estado que están a día de hoxe; queremos ter unha autovía en A Mariña, unha na zona sur da provincia e que melloren os prazos da autovía Lugo-Santiago”.
Castiñeira di: “Na provincia de Lo que el viento se llevó do señor Tomé as entradas provinciais son unha dificultade para todas as persoas que viven no rural. O señor Tomé non quere recoñecer que fracasou a súa política de estradas; non queremos unha provincia que se identifique co título Lo que el viento se llevó por causa da conxelación do plan Único, debido a que todos eses concellos pequenos que esperaban máis cooperación en época de crise o único que viron foi a conxelación do importe do Plan Único”.
Os populares queren unha provincia moderna, cun goberno moderno que teña en conta a situación real. E para iso, “o primeiro é combater a inflación que está prexudicando ás nosas familias, aos nosos veciños, que teñen dificultades coa cesta da compra”. No PP din que os empresarios “non viron axuda da Deputación de Lugo fronte aos elevados custos de produción e a conseguinte caída da competitividade, que leva algúns a pensar incluso en perder postos de traballo”.
Castiñeira avisa: “No PP ofrecémonos de novo para traballar de forma conxunta. Pero que non conten con nós para que Lugo sexa a provincia de Lo que el Viento se llevó. Queremos unha provincia próspera, con oportunidades para os nosos concellos, con capacidade para dar mellores e máis servizos porque a Deputación lles axuda e non fai política discrecional segundo a cor política”. Engade: “Queremos unha provincia con infraestruturas adecuadas e non cheas de fochancas; o PP ofrécese para traballar nos orzamentos, pero non para que voen as ilusións dos nosos cidadáns como no título desa película que tanto lle gusta ao señor Tomé”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
