Os populares confían en que “a Xunta responda de forma axeitada á situación do xulgado de paz debido a unha ausencia puntual e imprevisible do secretario durante uns poucos días”
Burela, 15 de setembro de 2022. O Grupo Municipal Popular de Burela considera que “o alcalde non está lexitimado para esixir absolutamente nada cando el é o primeiro que non cumpre ou non fai cumprir coas obrigas municipais”.
Os populares consideran axeitada a petición do alcalde e confían en que “a Xunta responda de forma axeitada á situación do xulgado de paz debido a unha ausencia puntual e imprevisible do secretario durante uns poucos días”. Con todo, “pareceríanos máis acertada e incluso máis crible a súa esixencia se fora acompañada do exemplo”.
O portavoz, Manuel Rouco, explica que “o PP, distintas asociacións e incluso dende o propio xulgado de paz lle levamos solicitando en reiteradas ocasións o acondicionamento do acceso para garantir a accesibilidade das persoas con mobilidade reducida e os pais e nais que se teñen que achegar ao xulgado con carros ou sillas para os seus fillos. Os veciños e veciñas de Burela saben ben a que nos referimos: as escaleiras sumamente empinadas e longas que supoñen o principal acceso aos xulgados de paz do Concello”.
“Non era sen tempo que, despois de numerosos anos de reiteradas reclamacións sen que o goberno local do señor Llano fixera nada por solucionar a situación, comezaran fai pouco as obras para habilitar o ascensor do xulgado”, manifesta o popular.
Rouco considera que “o señor Llano tería unha maior credibilidade se predicara co exemplo dentro da administración que rexenta”. A este respecto, pregúntase “qué fixo el cando ao longo de todo o mes de xullo non houbo ninguén que xestionara o padrón do Concello porque a persoa encargada non estaba e non habilitou a ningunha outra para substituíla”. Os populares sinalan que “diversas persoas tiveron que acudir durante varias semanas ao Concello para solventar a súa situación ata que en agosto conseguiron, por fin, empadroarse en Burela”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
