No PP avisan de que “se non se contratou de maneira correcta, alguén terá que dar as respostas adecuadas, non sabemos se diante da autoridade laboral o dun xulgado, pero isto non pode quedar así”
Foz, 30 de setembro de 2022. Os socialistas teñen demostrada unha inmoderada propensión a xogar demagoxicamente co principio de participación cidadá, pero, á hora da verdade, exercen o poder, en todos os ámbitos institucionais, poñendo todo tipo de atrancos á participación real, incluso dentro do marco das esixencias puramente legais. O alcalde de Foz, Fran Cajoto, é un exemplo de como entre o relato socialista e a realidade hai un inmenso abismo. Cajoto respondeu no pleno con evasivas ás preguntas do PP en relación coa contratación dos socorristas auxiliares. O portavoz do PP, Javier Castiñeira, sinala: “Cando un alcalde non responde ás preguntas concretas que fai a oposición e para sospeitar de que hai algo ilegal porque incumpre a Lei de Bases de Réxime Local”.
Castiñeira explica: “No pasado mes de xullo o PP preguntou ao alcalde se os socorristas auxiliares estaban contratados conforme ás bases establecidas pola Lei Galega de Socorrismo. No mes de xullo non quixo contestar, en agosto non houbo pleno e agora en setembro contesta con evasivas e non responde concretamente. Limítase a dicir que estaban contratados con base en pregos municipais, pero non aclarou se cumprían a Lei Galega de Socorrismos”.
A vista das circunstancias, os populares din que “é fácil intuír que non cumprían a lei e que presuntamente estamos diante dunha ilegalidade”. Castiñeira engade: “Que non queira darnos unha resposta é clarificador de como actúa o equipo de goberno: con falta de transparencia incluso nos plenos e con presuntas ilegalidades na contratación. É un tema serio e o alcalde debía ser moito máis transparente e ser claro”.
No PP lembran que Cajoto “xa tivo problemas o ano pasado con respecto á autoridade laboral, que pediu documentación”. O portavoz popular indica; “É un tema serio, porque o socorrismo é unha actividade de risco e o Concello non pode ter a estes traballadores sen cumprir debidamente a lei galega. O PP vai seguir solicitando do Concello que se nos informe da realidade e de se houbo ilegalidades”.
Castiñeira avisa: “Se non se contratou de maneira correcta, alguén terá que dar as respostas adecuadas, non sabemos se diante da autoridade laboral ou dun xulgado. Isto non pode quedar así. Recomendámoslle ao alcalde que cumpra a Lei de Bases de Réxime Local e que responda concretamente ás preguntas da oposición, porque senón non é que falte ao PP é que falta a todos os veciños”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
