O portavoz popular, Javier Castiñeira, lembra que as obras non incluíron o remate das beirarrúas nin a substitución da varanda, que no cumpre a normativa e pode ser perigosa
Foz, 26 de setembro de 2022. Unha e outra vez o alcalde de Foz, o socialista Fran Cajoto, dá mostras inequívocas da súa incapacidade para planificar, para xestionar a solución aos problemas dos veciños. O caso da rúa Limoeiros é un máis na cadea de despropósitos de xestión. Así o sinala o portavoz popular, Javier Castiñeira, que explica: “O arranxo da rúa Limoeiros é unha auténtica dor de cabeza para os veciños que viven nesta vía. O PP solicitou o arranxo desta rúa, a petición dos veciños, e o equipo de goberno decidiu executar as obras con cargo ao Plan Único; cos cambios que fixeron, agora os veciños non poden entrar nos garaxes”.
Castiñeira sinala: “Fixeron as obras tarde e quedaron sen rematar, como denunciamos no seu momento: non se amañaron as beirarrúas e quedou a varanda fóra da norma, incluso perigosa. Pero o peor é que, segundo os veciños, o goberno municipal decidiu que a rúa sexa dun só sentido de circulación e poñer aparcamentos en batería, o que leva a que a zona para a circulación de coches sexa moi estreita, o que, á súa vez, impide que se poida manobrar para entrar e saír dos garaxes”. Así as cousas, “a día de hoxe, se hai coches aparcados diante, non poden saír nin entrar dos garaxes”.
Os populares din que esta “é unha obra que non se dá rematado; a pesar de que é moi sinxela leva en obras todo o verán”. A maneira de executar os traballos, di Castiñeira, “denota falta de planificación das obras polo alcalde, que improvisa, fai o que lle apetece cando quere e así pasan estas cousas; gástanse os cartos e despois haberá que modificalas porque non podemos deixar aos veciños sen acceso aos garaxes”.
Os populares anuncian a presentación dunha iniciativa no pleno da corporación municipal “para intentar que o arranxo dos problemas nas obras en Limoeiros sexa inmediato”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
