Estas axudas, dirixidas a persoas de entre 18 e 35 anos, forman parte do Plan Estatal de Acceso á Vivenda 2022-2025 do Mitma e teñen como prioridade frear o descenso de poboación en municipios do rural
Alfoz, 26 de setembro de 2022. A subdelegada do Goberno en Lugo, Isabel Rodríguez, informou hoxe que máis de 6.700 mozos e mozas da Mariña, maiores de 18 anos e menores de 35, teñen acceso ata o 30 de setembro ás axudas de 10.800 euros que o Goberno destina para a adquisición de vivenda habitual. Fíxoo nun encontro en Alfoz con alcaldes e alcaldesas da comarca no que presentou as medidas máis destacadas deste programa de axuda á vivenda.
Estas axudas forman parte do Plan Estatal de Acceso á Vivenda 2022-2025 do Ministerio de Transportes, Mobilidade e Axenda Urbana e teñen como obxectivo favorecer o asentamento de poboación en concellos menores de 10.000 habitantes. No caso da Comarca da Mariña son 13 os municipios: Alfoz, Lourenzá, Burela, O Valadouro, A Pontenova, Ribadeo, Ourol, Trabada, Barreiros, Cervo, Mondoñedo, O Vicedo e Xove.
Isabel Rodríguez subliñou que “dende o Goberno garantimos con este tipo de axudas o dereito dos máis novos á vivenda e freamos o descenso de poboación do noso rural. E o facemos con programas que sitúan ás persoas no centro das nosas políticas, aínda que non teñamos as competencias directas nesta materia, pois son de carácter autonómico”. Nesta liña, lembrou o impacto que este plan do Goberno ten para Lugo permitindo ter axudas para a compra de vivenda ou aluguer no 91% dos municipios da provincia, pois 61 dos 67 concellos contan con menos de 10.000 habitantes.
A subdelegada explicou que para acceder a este programa estatal establécense varios requisitos. Concretamente, un límite de ingresos da unidade de convivencia que é de tres veces o IPREM (catro veces para persoas con discapacidade e cinco veces se a discapacidade é severa). Ademais, o importe da axuda para compra será dun máximo de 10.800 euros co límite do 20% do prezo de compra, que non debe superar os 120.000 euros, e o domicilio será o habitual e permanente durante os primeiros cinco anos. Para as persoas en aluguer, o inquilino terá cuberta ata a 60% da renda mensual, en alugueiros de ata 600 euros ao mes ou ata 300 euros no caso de habitacións, podendo recibir a axuda un máximo de cinco anos.
A tramitación destas axudas do Plan Estatal de Vivenda corresponde á Comunidade Autónoma, neste caso a Xunta, que publicou o pasado 12 de agosto a convocatoria do Instituto Galego de Vivenda e Solo no Diario Oficial de Galicia fixando o 30 de setembro como último día para presentar solicitudes.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
