A actuación abrangue a adecuación de baños e vestiarios, ademais de intervir no sistema de calefacción e na rede de saneamento e abastecemento de auga
Viveiro, 27 de agosto de 2026. A Xunta de Galicia acaba de licitar por valor de 690.000€ as obras de renovación do Albergue Xuvenil Area, na localidade lucense de Viveiro, para a mellora dos baños e vestiarios e a renovación do sistema de calefacción e rede de saneamento. Así o anunciou hoxe o conselleiro de Cultura, Lingua e Xuventude, José López Campos, nunha visita na que estivo acompañado pola directora xeral de Xuventude, Lara Meneses, e na que destacou que a reforma posibilitará que o Goberno galego “vele por manter nas condicións máis axeitadas as nosas instalacións para ofrecer os mellores servizos á mocidade”.
Neste senso, o representante Executivo autonómico fixo fincapé en que contar con “equipamentos de calidade é un dos piares que nos permite ser un referente na programación de verán dentro e fóra de Galicia”. Referiuse así á campaña Modo Verán Activo que, dixo, “un ano máis volve ser un éxito, sendo este un dos complexos principais dos nosos campamentos en toda a Comunidade e na provincia de Lugo en concreto, onde contamos con oferta nesta modalidade noutros seis enclaves”.
Precisamente, a visita coincidiu coa presenza dos participantes na última quenda da proposta NaturArea: ambiente mariño e náutica, “unha das máis demandadas tradicionalmente dentro desta oferta”. Nesta liña, lembrou que este ano puxéronse a disposición dos solicitantes 500 prazas divididas en cinco estadías de 100 persoas cada unha, que rematarán o vindeiro catro de setembro tras gozar de actividades na auga como vela, windsurf ou caiac e doutras accións como volei praia, xogos, excursións ou aulas da natureza mariña.
Así, López Campos puntualizou que se trata “dun bo exemplo do potencial que teñen este tipo de infraestruturas para levar a cabo accións de lecer educativo, deportivo e de coñecemento do medio mariño con gran recoñecemento entre a xuventude, e que agardamos seguir consolidando con esta renovación”. Unha mellora que se suma, explicou, “a anteriores investimentos que acadaron máis de 650.000€ nos últimos anos”.
En concreto, a actuación permitirá adecuar os baños e vestiarios coa renovación de pavimentos, revestimentos e falsos teitos, así como a substitución das instalacións de calefacción no que ten que ver con radiadores e tubaxes. Doutra banda, acometerase a renovación parcial da rede de saneamento e da conexión ao pozo de bombeo. O abastecemento de auga, coa intervención sobre a acometida ao edificio, é outra das intervencións que contempla o proxecto.
2.672 prazas en Lugo na campaña ‘Modo Verán Activo’
A campaña Modo Verán Activo na provincia de Lugo suma un total de 2.672 prazas, das cales 1.963 corresponden aos campamentos organizados, ademais de no Albergue Xuvenil Area, no Benigno Quiroga de Portomarín e no Lug II da capital lucense, aos que se suman o Campamento Xuvenil A Devesa en Ribadeo e Os Chacotes en Palas de Rei. Unha oferta que se completa coa programación no Centro de Inmersión Lingüística dos Peares e no Centro de Formación e Experimentación Agroforestal de Becerreá.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
