Antonio Ameijide recorda que a residencia tiña que estar en funcionamento hai varios anos (iniciouse a construción en setembro de 2022 cun prazo de execución de 15 meses), o que evidencia “a nefasta xestión” de PSOE e BNG no cumprimento deste convenio
Lugo, 27 de agosto de 2026. Os deputados do Grupo Provincial Popular denuncian “a falta de transparencia e a nefasta xestión” de PSOE e BNG na construción do centro de atención a maiores da Pontenova.
O voceiro provincial popular, Antonio Ameijide, fai esta reflexión ao desvelar a decisión de PSOE e BNG de encomendar agora á empresa pública Tragsa a finalización dos traballos, que levan moitos meses paralizados, o que “non fai máis que confirmar e darnos a razón sobre todas as denuncias que levamos moito tempo realizando sobre o atraso deste proxecto”.
Antonio Ameijide lembra que esta obra acumula anos de atrasos despois de que se iniciase en setembro de 2022, cun prazo de execución de só 15 meses.
A pesar dos continuos anuncios e promesas de PSOE e BNG — que no seu día anunciaran a residencia no ano 2018 asegurando que estaría lista en 2019 —, “a realidade é que os veciños da Pontenova seguen sen poder dispoñer deste servizo e o goberno provincial de Carmela López continúa sen dar unha data concreta para a súa apertura nin clarificar o modelo de xestión”.
A decisión de resolver o convenio e encomendar a obra a Tragsa, provoca dúbidas sobre o futuro do centro. O voceiro popular pregunta “se a resolución do convenio orixinal vai afectar ás condicións previamente establecidas e se estas van cambiar a partir de agora en prexuízo para os futuros usuarios”.
Antonio Ameijide tamén sinala que esta situación tamén deixa nunha posición de absoluta marxinación ao propio Concello da Pontenova, que queda fóra das decisións que se tomen sobre o futuro da residencia. “Non é un detalle menor dado que o rexedor municipal foi presidente da propia Deputación de Lugo”, recordou.
Os populares insisten en que a xestión deste centro é unha mostra máis das incumpridas promesas do goberno provincial en materia de residencias.
Ameijide esixe a PSOE e BNG que actúen con “axilidade, anuncien o modelo de xestión e fixen unha data de apertura para as 30 prazas de residencia e 20 de centro de día prometidas”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
