A vicepresidenta comunica á empresa que se autorizará o peche de dous dos seus catro grupos, mentres que a autorización dos outros dous condicionarase ao reforzo da dispoñibilidade de potencia no sistema eléctrico
As Pontes, 19 de setembro de 2022 Teresa Ribeira, vicepresidenta do Goberno e ministra para a Transición Ecolóxica e o Reto Demográfico, reuniuse con Endesa para tratar o futuro da central térmica das Pontes (A Coruña). Tras recibir un informe de Rede Eléctrica de España (REE) sobre a solicitude de peche da central presentada pola empresa, o Ministerio para a Transición Ecolóxica e o Reto Demográfico (MITECO) autorizará o peche de dous grupos da planta, mentres que o peche dos outros dous grupos autorizarase condicionadamente, atendendo ao reforzo de variables de dispoñibilidade de potencia no sistema eléctrico. Os proxectos previstos para a reconversión industrial da zona suman un investimento superior aos 2.500 millóns de euros e xerarán máis de 1.300 empregos directos.
Aínda que o MITECO xa contaba cun informe de REE elaborado en 2020 para autorizar o peche dos catro grupos da central de carbón, cuns 350 MW cada un, na primavera de 2022 decidiu solicitar un novo informe, á vista das tensións provocadas nos mercados enerxéticos pola guerra en Ucraína e a elevada exportación de electricidade provocada pola seca e a indispoñibilidade de boa parte do parque nuclear francés.
Este segundo informe de REE contempla escenarios non previstos anteriormente,
con distinta participación da coxeración e unha elevada e constante exportación aos países veciños. A análise revela a conveniencia de pechar os dous grupos inoperativos e de que o peche dos outros dous quede condicionado ao reforzo de variables de dispoñibilidade de potencia no sistema eléctrico mediante diversas medidas que se están poñendo en marcha, como o aumento da dispoñibilidade da coxeración ou o establecemento dun mecanismo de resposta activa da demanda.
COMPROMISO CO FUTURO DA ZONA
A vicepresidenta expuxo a situación a Endesa e lembrou o seu compromiso total con zona afectada polo peche, lembrando que se puxo en marcha un Convenio de Transición Xusta para despregar instrumentos de apoio a proxectos municipais, empresariais, de formación profesional e, especialmente, proxectos enerxéticos de renovables innovadores.
Ribeira exhortou a Endesa a promover proxectos de reconversión e investimentos alternativas na zona, en cumprimento do Acordo por unha transición enerxética xusta para centrais térmicas en peche, asinado en abril de 2020 entre o Goberno, sindicatos e as empresas propietarias das centrais.
Pola súa banda, Endesa actualizou a información sobre os proxectos que está a promover no municipio, que, de acordo con os seus cálculos, implican un investimento de 2.682 millóns e a xeración de 1.361 empregos directos.
Por unha banda, a empresa Sentury Tire instalará unha fábrica de pneumáticos nos terreos da antiga mina, cun investimento de 477 millóns. Cunha capacidade de produción de 12 millóns de pneumáticos ao ano, creará 750 empregos e multiplicará o volume de tráfico do Porto de Ferrol.
Así mesmo, Endesa informa de que Ence prevé situar unha fábrica de biocombustibles, bio-produtos e celulosa especial nos terreos da central, que implicaría un investimento duns 355 millóns. Este proxecto xerará 150 empregos directos, que se incrementan ata os 1.000 empregos @teniendo en cuenta os indirectos e inducidos. A empresa tamén expresou que segue traballando en identificar outras propostas e investimentos.
Xunto a estas iniciativas industriais, Endesa desmantelará a central, dará un forte impulso loxístico á terminal do Porto de Ferrol e materializará un plan de formación para as persoas da contorna. Sobre todo, substituirá os 1.400 MW de carbón das Pontes por 1.300 MW renovables, en boa medida destinados a abastecer a industrias galegas, como a referida instalación de Sentury ou Alcoa, mediante PPA. E tamén creará un centro loxístico de mantemento eólico para as súas instalacións en España e levantará unha planta de hidróxeno verde de 100 MW.
ACTUACIÓNS DE TRANSICIÓN XUSTA
O MITECO despregou numerosos instrumentos de axuda no ámbito da transición xusta. A convocatoria de axudas a infraestruturas ambientais, sociais e dixitais para zonas de transición xusta, dotada con 91 millóns, recibiu solicitudes de todos os municipios do Convenio de Transición Xusta das Pontes. Así mesmo, o municipio das Pontes foi adxudicatario de axudas para tres proxectos mediante unha convocatoria de 2021 por valor de 1,2 millóns. Con estes fondos apóiase o desenvolvemento do centro loxístico das Pontes, na que a achega do MITECO é a maior contribución ao proxecto ou a creación dunha entidade urbanística municipal para a conservación e a prestación de servizos aos polígonos empresariais.
Doutra banda, para apoiar a xeración de emprego na zona, o MITECO lanzará convocatorias de axudas a proxectos empresariais, cuxas bases reguladoras publicaranse pronto. Acaba de lanzar unha licitación para contratar un servizo de formación profesional para os traballadores afectados polos peches e a poboación desempregada das zonas de transición xusta. A vicepresidenta subliñou que a colaboración coas administracións locais e, en particular, a implicación do Concello das Pontes, está a ser fundamental.
A estas iniciativas de apoio específico engádense os fondos do Plan de Recuperación, Transformación e Resiliencia; os destinados a financiar instalacións de hidróxeno renovable, almacenamento, redes de calor, biogás e outros proxectos enerxéticos innovadores incorporan criterios de priorización para as zonas con centrais en proceso de peche, entre elas a das Pontes.
Adicionalmente, o Fondo de Transición Xusta que o MITECO coordina coas comunidades autónomas achegará 111 millóns para mitigar os impactos da transición enerxética en Galicia.
UNHA TRANSICIÓN ADECUADA PARA Os TRABALLADORES
Outro aspecto fundamental trasladado pola vicepresidenta é a necesidade de que Endesa xestione unha transición adecuada, áxil e facilitadora para os seus traballadores propios e os das empresas auxiliares. Ribeira fixo énfase na importancia de que as persoas afectadas estean no punto de mira das oportunidades de emprego nos proxectos de desmantelamento e de reconversión. Endesa, en consonancia, comprometeuse para a xerar unha transición fluída cara ao futuro das Pontes, con continuidade nos empregos.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
