As novas instalacións para biorresiduos de Cervo darán servizo a 15 concellos lucenses e será a segunda das catro plantas impulsadas pola Xunta en poñerse en marcha
Cervo, 17 de outubro de 2022. A Xunta destinará nos orzamentos do próximo ano un total de 55,4 millóns de euros a financiar medidas, liñas de subvención e investimentos directos co obxectivo común de mellorar a xestión e o tratamento dos residuos no conxunto de Galicia.
Así o avanzou esta mañá en Cervo a conselleira de Medio Ambiente, Territorio e Vivenda, Ángeles Vázquez, quen visitou os terreos do municipio onde se está a construír a nova planta de biorresiduos, cuxas obras avanzan a bo ritmo coa previsión de que estean rematadas a finais deste mesmo ano.
Precisamente a responsable autonómica subliñou que desta partida orzamentaria, 27 millóns de euros se reservarán a construír e rematar a rede de instalacións para o tratamento dos biorresiduos, é dicir, a materia orgánica incluída no lixo urbano.
Neste sentido, Ángeles Vázquez subliñou que o orzamento que destinará o seu departamento ao eido dos residuos reafirma a súa aposta pola Galicia verde e o apoio do Goberno autonómico aos concellos como administracións responsables de xestionar os residuos domésticos e cumprir cos obxectivos e directrices da UE nesta materia.
En concreto, adiantou que en 2023 a Xunta volverá convocar subvencións dirixidas ás entidades locais co fin de axudalas a mellorar e converxer cara aos obxectivos europeos neste eido. Así, porá á súa disposición preto de 19 millóns de euros en diferentes liñas de incentivos para a construción de puntos limpos, iniciativas de compostaxe da fracción orgánica ou o tratamento doutro tipo de residuos, como poden ser téxtiles, aceites, etc.
Ademais, tamén cifrou en 9,7 millóns de euros o investimento previsto o próximo ano para a execución de obras de mellora da eficiencia enerxética no complexo medioambiental de Sogama en Cerceda e consolidar a súa posición de referencia en Europa.
A estas contías previstas nos orzamentos do vindeiro ano, tal e como subliñou a conselleira, haberá que sumar outro fito importante nesta materia: a aprobación da nova Lei do clima galega en 2023. Así, Ángeles Vázquez explicou que esta norma será un instrumento clave para avanzar no cumprimento dos obxectivos máis ambiciosos fixados pola UE no eido da loita contra o cambio climático, un camiño no que a xestión eficiente dos residuos será fundamental.
A segunda planta de biorresiduos
As instalacións de Cervo, cuxa construción foi adxudicada por preto de 6,4 millóns de euros, ocupan unha parcela de case 8.000 m2 e darán servizo a un total de 15 concellos —14 da Mariña lucense, ademais de Mañón—, que aglutinan a máis de 69.300 habitantes.
A de Cervo será a segunda planta de biorresiduos que entre en funcionamento das catro previstas pola Xunta, xa que a previsión é que as obras estean rematadas este mesmo ano. A primeira, xa operativa, é a de Cerceda e as outras dúas son as proxectadas en Verín (Ourense) e Vilanova de Arousa (Pontevedra).
O obxectivo é que as catro instalacións de compostaxe que integran a Rede de infraestruturas autonómicas para a valorización da materia orgánica e as 13 plantas de transferencia nas que se apoiarán —cun investimento de 43 millóns de euros do Goberno galego— reciban un pulo definitivo en 2023 e vaian entrando en servizo de forma paulatina.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
