Contémplase que cada persoa beneficiaria pode destinar ata 200€ a asistir a espectáculos de artes en vivo, un máximo de 100€ a bens culturais en soporte físico e outros 100€ ao consumo dixital ou en liña
Foz, 25 de outubro 2022. A subdelegada do Goberno en Lugo, Isabel Rodríguez, animou hoxe á mocidade da Mariña e do resto da provincia a aproveitar a oportunidade de beneficiarse das axudas de 400 euros que ofrece o Goberno co Bono Cultural Xove, a iniciativa do Ministerio para dinamizar a industria cultural. “Queremos que os 2.341 lucenses de 18 anos aproveiten este programa para gozar de actividades e produtos culturais durante un ano”, sinalou a subdelegada, que lembrou que o prazo para solicitar o bono remata o luns, 31 de outubro.
Rodríguez informou que a día de hoxe son máis de 830 persoas, o 35,67% do total, as que xa están a desfrutar desta iniciativa do Goberno, pero remarcou que “o noso obxectivo é chegar ao 100% da poboación potencial, resístome a que alguén perda esta oportunidade de acceder á cultura. Por iso, nesta recta final da campaña, amplíamos o prazo e facilitamos a solicitude a través das 26 oficinas de Correos da provincia”. A subdelegada presentou o Bono Cultural, na sede de Correos do Concello de Foz, xunto ao alcalde, Francisco Cajoto, o xefe de sector provincial, Miguel Ángel García, e a directora da oficina, Alicia Cao.
Durante o encontro, Isabel Rodríguez explicou que o deseño do Bono, dividido en tres tramos, “favorece diversificar o investimento” e, para iso, contémplase que cada persoa beneficiaria pode destinar ata 200 euros a asistir a espectáculos de artes en vivo, patrimonio cultural e artes audiovisuais; un máximo de 100 euros a bens culturais en soporte físico, como libros ou discos; e outros 100 euros ao consumo dixital ou en liña.
Nesta liña, sinalou que o Bono Cultural non é só un plan dirixido ás persoas novas, pois o proxecto tamén está enfocado a potenciar e impulsar o sector cultural cunha inxección de máis de 200 millóns de euros en todo o territorio. Ademais, avanzou que o Goberno mantén no proxecto de Presupostos Xerais do 2023 a partida para o Bono Cultural, polo que todas as persoas nacidas en 2004 terán dereito ás axudas.
Solicitude presencial e dixital
O Goberno, en colaboración con Correos, abriu un novo proceso de solicitude presencial, sen necesidade de que os rapaces teñan que facelo a través da identificación dixital. Así, os interesados só teñen que rexistrase na web do bono https://bonoculturajoven.gob.es/, co seu correo electrónico na opción “Solicitar bono en Correos”, completar o formulario e presentalo en calquera oficina de Correos xunto co DNI ou NIE. Unha vez presentada a solicitude e cotexados os datos persoais, Correos trasladará esas solicitudes ao Ministerio de Cultura para a súa resolución.
Ademais, o Ministerio de Cultura mantén a opción de poder rexistrarse a través da app específica do programa mediante certificado dixital ou chave PIN. Unha vez concedida a axuda, recíbese unha tarxeta física ou virtual, cargada cos 400 euros da axuda, para usar en todas as empresas culturais adheridas ao programa.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
