A pista renovarase por completo e actuarase tamén nas gradas, cun investimento total de 64.000 euros
Lugo, 3 de outubro de 2022. A Vicepresidencia da Deputación de Lugo e o Concello da Pastoriza asinaron un convenio para realizar melloras no pavillón polideportivo municipal.
As actuacións previstas inclúen a instalación dun pavimento sintético e adaptado á diversidade da práctica deportiva que se ven desenvolvendo na pista, que se redefinirá para facilitar o acceso do público ás bancadas superiores. Tamén se farán melloras nas escaleiras e nas bancadas, ademais de poñer redes de protección tras as porterías.
A tenente alcalde da Pastoriza, Elva Carrera, explicou que “este investimento permitiranos renovar unhas instalacións moi empregadas para adestramentos e competicións tanto de deporte escolar como do futbol sala feminino, e tamén por alumnado do colexio e veciñanza en xeral” e incidiu na necesidade de “corrixir algunhas deficiencias que o edificio ven arrastrando desde a súa construcción, como a ubicación da pista, con dúas columnas no fondo que dificultan o acceso á grada”
O deputado de Deportes Efrén Castro enmarcou “o convenio na colaboración que desde a Vicepresidencia da Deputación de Lugo se ven mantendo cos concellos para mellorar as súas infraestruturas deportivas e garantir uns espazos públicos que faciliten o achegamento do deporte a toda á veciñanza” e incidiu “na importancia destes servizos nos concellos rurais”.
O convenio contempla un investimento conxunto de 64.000 euros e financiará tamén a renovación do canalón da fachada, xa realizado por parte do Concello da Pastoriza.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
