Desde o Concello agradecen o labor imprescindible que fan tanto a Asociación Esperanza como a AECC, que porán en marcha distintas iniciativas este 19 de outubro
Burela, 18 de outubro de 2022. O Concello de Burela continúa a través da súa Delegación de Servizos Sociais a promoción do tecido asociativo coa gravación de pequenos vídeos que se irán difundindo nas súas canles oficiais.
Nesta ocasión, e coincidindo coa semana na que se conmemora o Día Internacional da Loita contra o Cancro de Mama, a visita realizouse á Asociación Esperanza contra o Cancro de Burela.
Desde a entidade explicaron as súas orixes e o motivo fundamental que os levou a asociarse, co fin de dar apoio ás persoas afectadas polo cancro, aglutinando a este colectivo, dando soporte ás familias e sensibilizando ao redor desta enfermidade oncolóxica.
A entrevista en forma de vídeo será publicada nos próximos días, e poderase escoitar a través das voces das persoas que levan a asociación todo o traballo realizado, como por exemplo a recente xornada escolar de sensibilización e prevención, así como o destino final dos fondos recadados mediante diversas iniciativas ao longo destes 15 anos de actividade.
19 de outubro
Tanto a Asociación Esperanza como a AECC realizarán distintas accións este 19 de outubro, Día Internacional de Loita contra o Cancro de Mama. Así mesmo, o Concello de Burela iluminará a fachada de rosa como todos os anos.
Pola súa banda, a Asociación Esperanza colocará no día de mañá unhas mesas para recadar fondos co fin de destinalos á loita contra o cancro, o obxectivo fundamental do colectivo. As mesas estarán situadas na Praza do Concello e no Hospital da Mariña, nun lugar visible para que todas as persoas que así o desexen podan aportar fondos para axudar á investigación e a detección, tratamento e curación do cancro.
Tamén a Asociación Española Contra o Cancro realizará unha campaña co obxectivo de avanzar na investigación e apoiar e mellorar a vida de todas as pacientes, habilitando unha mesa tamén no Hospital. Deseñaron camisetas para recadar fondos e convidan á cidadanía a sumarse á súa campaña a través do hashtag #ElRosaEsMásQueUnColor, co fin de que a cor volva identificarse co que realmente importa: as persoas con cancro de mama, as súas necesidades, vivencias e supervivencia. Nesta liña retomarán este novembro uns cursos de ioga terapéutico para as pacientes.
O Concello de Burela quixo dar visibilidade “a todas as iniciativas que se fan para acompañar ás familias que pasan por estes procesos tan duros, a todas as accións que realizan para dar a coñecer a enfermidade e a todos os fondos que conseguen recadar para a investigación”, amosando o apoio da institución local “na medida das nosas posibilidades, coa cesión de espazos para que desenvolvan as súas actividades ou manteñan as reunións para o seu funcionamento diario”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
