Os populares cren que “no pleno extraordinario para aprobar as contas do 2021 quedou constatado que ao goberno do PSOE só lle interesa a propaganda, non os bureleses”
Burela, 28 de outubro de 2022. Os populares de Burela condenan que “ao goberno local socialista só lle interesa facer propaganda; pero pouco ou nada lle importan os negocios e as familias de Burela”. O voceiro, Manuel Rouco, explica tralo pleno extraordinario deste venres que “quedou constatado que o goberno local do señor Llano só repartiu 58.000 euros dos 181.000 euros anunciados para o ano 2021 en axudas ao comercio, hostalería e ás familias máis afectadas pola covid-19; é dicir, só un 32% do total anunciado”. Así o recollen as contas do 2021 que o goberno local levou ao pleno extraordinario para a súa aprobación e que logrou sacar adiante “grazas á colaboración servil do BNG”.
“Segundo o informe de intervención, dos 125.000 euros tantas veces anunciados para a axuda a negocios e comercios de Burela, o goberno local só repartiu 25.000 euros. Dos 30.000 euros anunciados para o sector da hostalería só se repartiron 13.000 euros e dos 26.000 para axudar ás familias necesitadas só se repartiron 20.000 euros”, explica o popular. “En total, repartiron menos dun terzo do total do diñeiro que anunciaban unha e outra vez; pero que, lamentablemente, os negocios e familias non chegaron a percibir. Este feito demostra unha falta de empatía do goberno local cos comercios, a hostalería e as familias; ademais dunha nefasta xestión destas axudas”.
Por outra banda, os populares non entenden a urxencia do outro punto da orde do día da sesión extraordinaria que tamén saíu adiante, de novo, co apoio do BNG: a transformación dunha praza de inspector da Policía Local noutra de oficial para a nosa vila. O que si consideran urxente dende o Grupo Municipal Popular é o que lles trasladan dende a Policía Local de Burela: “a necesidade de ampliar o cadro de persoal do departamento e o incremento do salario dos efectivos”.
Demandas da Policía Local: máis persoal e máis salario
Rouco explica que “agora mesmo o departamento conta con seis policías locais e un oficial cando podería dispoñer de oito policías locais e un oficial, segundo recolle a Relación de Postos de Traballo existente agora mesmo no Concello. Pero en lugar de priorizar a contratación de dous policías locais máis, o goberno do señor Llano o que fai é transformar unha praza de inspector noutra de oficial”.
“Segundo a proposta da alcaldía, este cambio débese a que consideran conveniente que haxa un oficial en cada garda; pero iso non é factible porque non é posible que dous oficiais estean cubrindo tódalas quendas en Burela. O que si sería factible coa ampliación da plantilla é que houbera un servizo de policía local 24 horas 7 días á semana, algo que agora mesmo non existe porque non hai quenda de noite dende fai moito tempo”, aseguran dende o PP local.
“O incremento salarial que tamén demandan -vinculado á Relación de Postos de Traballo que o señor Llano fixo como promesa electoral e non está a cumprir- é xusto porque os membros da Policía Local de Burela son os que menos cobran de toda a comarca da Mariña”, sinalan os populares.
Posicionamento servil do BNG
“Unha vez máis o Grupo Municipal Popular foi o que fiscalizou as accións do goberno local e se opuxo á desfeita sistemática que está a levar a cabo o goberno de Llano na nosa vila” porque “o posicionamento servil do BNG en sesión plenaria permitiu que saíran adiante as dúas propostas do goberno local do PSOE”, concluíu Rouco.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
