Foz, 24 de outubro, 2022. En menos de 8 meses, Quenlla Crossfit trae o 3º seminario á Mariña, esta vez será o vindeiro sábado 26 de novembro cun seminario de gymnastics co mismísimo Manu Carballo. O atleta olímpico e adestrador CF L-II estará en Foz para traballar progresións, variantes do movementos concretos e traballos auxiliares para exercicios ximnásticos.
Desde un principio Quenlla apostou pola Mariña, querendo ser un centro Crossfit oficial de referencia na zona con máis de 150 atletas.
Manu Carballo:
Manuel Carballo comezou a practicar ximnasia aos 6 anos de idade en Madrid, entrando a formar parte da selección española aos 14 anos, onde se mantivo ata a súa retirada profesional en 2013. Durante o seu período en activo viviu na Residencia Joaquín Blume e adestrou no Centro de Alto Rendemento de Madrid. En 2005 adxudicouse por primeira vez o título individual do Campionato de España de Ximnasia Artística Masculina disputado en Vitoria, por diante dos seus compañeiros Isaac Botella e Rafael Martínez. Ese mesmo ano proclamouse campión de Europa de barras paralelas nos Europeos disputados en Debrecen (Hungría). En 2007 formou parte do equipo español que conseguiu a sexta praza nos Mundiais de Stuttgart (Alemaña), obtendo así a praza para os Xogos Olímpicos do seguinte ano. Formou parte do equipo español de ximnasia para os Xogos Olímpicos de Pequín 2008. Participou no concurso completo por equipos, quedando na 11ª posición. Continuou un ciclo olímpico máis preparándose para os Xogos Olímpicos de Londres 2012, chegando ao Preolímpico clasificatorio en xaneiro, onde non puido competir debido a unha lesión de xeonllo, o que o relegou ao posto de suplente ata os JJ.OO. dese mesmo ano. Manuel Carballo acabou a súa etapa deportiva a principios do 2013 despois de máis de 15 anos dedicado á ximnasia. Desde aquí comezou unha nova etapa como adestrador e formador de diferentes prácticas deportivas como o CrossFit, disciplina que imparte na actualidade.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
