Isabel Rodríguez avanzou que o Goberno ten previsto en Foz a execución dun sendeiro peonil entre as praias de Peizás e A Pampillosa, con 1M€; e diversas melloras na praia de Llás, con outros 400.000€
Lugo, 17 de novembro de 2022. A subdelegada do Goberno en Lugo, Isabel Rodríguez, mantivo este xoves unha reunión de traballo co xefe provincial do Servizo de Costas, José Miguel Estevan, no que trataron os proxectos previstos polo Ministerio para a Transición Ecolóxica e o Reto Demográfico para concellos da comarca da Mariña.
“Estas obras son para favorecer o mellor aproveitamento dos valiosos recursos naturais cos que contamos na Mariña, para que poidan ser desfrutados con maior comodidade tanto polos veciños e veciñas como polos turistas, sempre mantendo un absoluto respeto polo medio ambiente”, manifestou Isabel Rodríguez que remarcou que “demostramos con feitos a aposta do Goberno pola conservación e mellora da costa da Mariña”.
Entre as principais actuacións que abordaron destacan o proxecto de obtención de espazos para uso público e execución do sendeiro peonil entre as prais de Peizás e A Pampillosa. Trátase da creación de un sendeiro peonil entre as dúas praias nuns terreos que xa foran expropiados con este fin. O Goberno sacou a licitación esta actuación por un orzamento de 1 millón de euros. O proxecto consiste na creación dun sendeiro cunha lonxitude de 1.600 metros e permitirá o peche definitivo do paseo xa existente pola costa, entre a praia dos Fondás, na ría de Foz, e o interior da ría do Ouro.
Do mesmo xeitos, en Foz o Ministerio para a Transición Ecolóxica e o Reto Demográfico ten previsto investir 400.000 euros para diversas melloras na praia de Llás. Ademais, está traballando actualmente en traballos de conservación e mantemento na praia de Pampillosa, cun achega de 80.000€.
Durante o encontro, Rodríguez e Esteban tamén trataron o proxecto de novas melloras na praia de Arealonga en San Miguel de Reinante, no Concello de Barreiros. Estas obras, que están en licitación cun orzamento de 552.000€, consistirán na recuperación do ecosistema da praia de Arealonga. Para iso está prevista a demolición de estruturas e pavimentos no sistema dunar, a erradicación de especies invasoras que supoñen unha importante ameaza, como é o caso da herba da Pampa, a posterior restauración de especies autóctonas e a protección e posta en valor do sistema dunar. Posteriormente, executaranse novos accesos e melloraranse os existentes. Ademais, o proxecto completarase coa adaptación do edificio de servizos existente para persoas con mobilidade reducida.
Respecto das actuacións que se prevén realizar no Concello do Vicedo, a Subdelegada lembrou que Costas recuperará a servidume de tránsito entre Os Castelos e a praia de Fomento e a execución dun sendeiro litoral. Ademais da creación do sendeiro peonil, esta actuación inclúe a recuperación da antiga fábrica de salazón existente no contorno. Este proxecto ten un orzamento aproximado de 400.000 euros e está en fase de expropiación dos terreos por parte do Concello. Ditos traballos, ao longo duns 400 metros, permitirán rematar a conexión peonil pola costa entre a praia de Fomento e Arealonga.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
