A subdelegada do Goberno advertiu que a ciberdelincuencia é un dos maiores retos aos que se enfronta a sociedade en materia de seguridade, “pois 1 de 4 delitos que se cometen en Galicia son ciberdelitos”
Lugo, 10 de novembro de 2022. A subdelegada do Goberno en Lugo, Isabel Rodríguez, advertiu que a ciberdelincuencia “é un dos maiores retos aos que temos que enfrontarnos, hoxe en día, como sociedade en materia de seguridade, pois 1 de cada 4 delitos que se cometen en Galicia son ciberdelitos”. Así o salientou durante a celebración este xoves das Xornadas de Seguridade Pública, que organiza o centro asociado á Universidade Nacional de Educación a Distancia (UNED) en Lugo, e na que tamén participaron o deputado provincial, Pablo Rivera, a directora do centro, Ana Traseira, e o xefe superior da Policía Nacional en Galicia, Ramón Gómez, quen impartiu a conferencia “A importancia da colaboración internacional policial na solución de conflitos”.
Durante a súa intervención, a subdelegada lembrou que desde o 2021 España conta cun Plan Estratéxico contra a Cibercriminalidade, impulsado polo Ministerio de Defensa, que ten como obxectivo potenciar as capacidades dos Corpos e Forzas de Seguridade para combater esta modalidade delituosa, dotando ao departamento dos recursos necesarios para facer fronte á ciberdelincuencia en cinco áreas: detección, prevención, protección, resposta e persecución, así como a adecuada atención ás vítimas.
Así mesmo, Isabel Rodríguez sinalou que a ciberdelincuancia é un dos delitos en constante aumento que motivou o incremento do patrullaxe dixital, por parte da Policía Nacional e da Garda Civil, para previr e responder a esas condutas. “Dende o Goberno apostamos pola modernización constante para contar coas ferramentas tecnolóxicas necesarias que permitan perseguir os delitos vinculados ás tecnoloxías da información e comunicacións no noso país”, subliñou a subdelegada que exemplificou o compromiso do Executivo para loitar contra esta nova delincuencia tecnolóxica coa creación, hai un ano, dos equipos arroba da garda civil.
Nesta liña, Rodríguez sinalou a importancia das relacións e cooperación internacional, nun mundo hiperconectado, para garantir unha rápida resposta, dado o carácter transfronteirizo da ciberdelincuencia. Así, puxo de exemplo que unha vítima do cibercrimen pode estar en España, pero é enganada por un delincuente situado noutro país a través dun portal web doutro territorio.
A subdelegada agradeceu ao comisario principal a súa visita ao centro universitario de Lugo para trasladar á sociedade o fundamental servizo que desenvolve a Policía Nacional na protección das liberdades dos veciños e veciñas. Indicou, tamén, que a seguridade é un piar básico para vivir en democracia e destacou que os niveis dos que goza a comunidade están garantidos polo traballo encomiable da Policía en Galicia.
Por último, Isabel Rodríguez, que felicitou á UNED de Lugo pola iniciativa de organizar estas xornadas abertas aos cidadáns, considerou fundamental que tanto os veciños como as empresas e os organismos públicos estean preparados para facer fronte ao perigo que supón o uso indebido dos datos ou dos ataques a sistemas informáticos que non estean debidamente protexidos.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
