Castro denunciou a actitude do goberno central e o PP de “botarse as culpas entre si e logo non facer nada”, exixiu á Xunta intervir en Alcoa e a “participación pública” da administración galega no desenvolvemento socioeconómico de Galiza
Santiago de Compostela, 9 de novembro 2022. O BNG propuxo no Parlamento o deseño dun Plan de Industrialización e Emprego para A Mariña, cun orzamento consignado para o primeiro trimestre de 2023. Ademais, propuxo a activación dun Plan de Desenvolvemento Industrial que forneza a innovación galega, diversifique a súa economía e unha compensación á exportación de enerxía eléctrica producida en Galiza mediante a rebaixa nas peaxes.
“Pedimos que lle demanden ao Estado que se exportamos enerxía eléctrica teñamos un abaratamento das peaxes, pedimos que exista certeza xurídica, participación cidadá e custodia medioambiental”, esixiu Daniel Castro. O deputado do BNG acusou ao Goberno do PP de ser “o maior inimigo da empresa galega, porque non salvan ningunha e non conseguen que se instale ningunha outra”, en referencia á parálise que os Populares provocan no progreso da economía da Mariña mediante “a paralización dos polígonos industriais de Valadouro e Muras”. Castro tamén denunciou “os incumprimentos continuados” de Alcoa á hora de reabrir as cubas e aplicar o plan de inversións.
Neste sentido, recriminou a atitude dun PP “que quere empregar a situación de Alcoa e o sufrimento da xente para que os seus amigos gañen máis diñeiro colocando eólicos onde a lei non lles deixa”, dixo en referencia aos procesos de tramitación de novos parques eólicos fóra da área de Desenvolvemento Eólico, “se os postos de traballo en Alcoa non se manteñen, que vai pasar con estes parques eólicos?, preguntoulle á bancada popular.
A alternativa do BNG para unha Galiza onde a enerxía e a sostibilidade non están en conflito.
O parlamentario nacionalista criticou a política “de balóns fóra” do goberno central e o Goberno do PP, “cando sae o Estado, sae Conde, cando sae unha ministra, sae o presidente da Xunta”, ironizou. Ademais, demandou á Xunta “cumprir coas súas obrigas” e esixirlle ao goberno central para “esixirlle a Alcoa a realizar as inversións pactadas para garantir o rearranque das cubas para xaneiro do 2024” e manter deste xeito todos os postos de traballo. Incidiu, tamén, na diversificación da economía da Mariña, “porque o PP é moi de pensar que só se pode vivir de Alcoa, pero precisamos diversificación industrial para garantir o benestar”.
Castro defendeu a alternativa de goberno do BNG, “que cre, como marcan os nosos tempos, na participación pública do sector, xa que como din as traballadoras e traballadores de Alcoa, a solución é a intervención”.
Dentro das propostas, ademais do Plan de Industrialización e Emprego e o de Desenvolvemento Industrial, inclúese a planificación enerxética de Galiza para aproveitar o potencial a exportación eléctrica do País, ordenar o sector e dar certeza xurídica á protección do medioambiente. Propostas todas que se atoparon coa falta de debate e desinterese dun Goberno do PP esgotado e sen propostas de futuro para o crecemento e progreso da Mariña lucense.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
