Hoxe hai quen tenta converter todo en cartos. Sexa o que sexa, para aumentar o negocio coa súa comercialización. Non importa que literalmente, se lle quite a alma para converter o que sexa nun sinxelo apunte contable asociado a un valor. É un proceso que procura meter todo no sistema económico capitalista para que siga medrando (e así manterse) e que algunha xente poda seguir apropiándose das cousas comúns. É algo, asemade, que xa é case unha tradición histórica dende o nacemento do capitalismo, ampliar a área de negocio.
O anterior veuseme á cabeza semanas atrás, ó pouco de recibir as últimas novas sobre o nome da ría de Ribadeo. Ata o de agora, o debate sobre a ría compartida na actualidade polas administracións galega e asturiana non tivo lugar nese sentido, cunha disputa non sobre o económico, senón algo economicista ou capitalista, pero pode saír en calquera momento. E pode facelo xa que de ser algo compartido e nome xeneralizado, está sendo compartimentado e nome babelizado, a modo de torre de Babel moderna na que xa ninguén se entende. E non porque non se poda, senón porque non se quere, querendo en troques cambiar o xa establecido por acordo de fala, e facéndoo pensando en intereses precisos, que, ó final, coido si poden ser convertidos na súa maioría en cartos para os interesados, vía diversos tipos de aumento de poder.
Por iso, sería boa cousa cuantificar canto pode representar, en valor dito contante e soante, o nome da ría de Ribadeo, para saber a que nos enfrontamos. Ó fin, non se fala do valor económico da lingua castelá ou da lingua inglesa, e tenta avaliarse de diversos xeitos? Para entendelo mellor, outro exemplo relacionado con Ribadeo: o lugar da praia das Catedrais. Despois de anos de correccións, aínda hoxe hai guías ou web que asignan as Catedrais ó concello de Barreiros, e non ó de Ribadeo, como é a realidade. Isto significa que pode haber xente que procure aloxamento en Barreiros e non en Ribadeo, pensando na proximidade ou a sinxela relación xenérica co areal. E o resultado pode ser un aumento de valor por máis demanda nos aloxamentos dese concello a consecuencia dese erro informativo. Algo así podería pasar no caso da ría de Ribadeo e o seu nome, e sería interesante coñecer o que representa.
Por suposto, moito máis difícil sería asignar un valor económico para unha persoa ó gañar unhas eleccións tentando enfrontar a xente en base a tentar cambiar o nome da ría. Iso permitiría xogar coas mesmas cartas: o coñecemento do que está en xogo para algunhas persoas.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
