Goleada do Burela FS ao Parrulo Ferrol afianzando o segundo posto na clasificación con 14 encontros consecutivos sen coñecer a derrota
Burela 20 de xaneiro. Ás 21.15 desta tarde disputouse en Vista Alegre o esperado derbi galego, Pescados Rubén Burela FS – O Parrulo Ferrol FS. Con arredor de 1000 espectadores, entre eles o Vicepresidente da Federación Galega, Pablo Prieto e o Secretario do Parrulo Ferrol FS, José Manuel Naveira, o “Equipo Laranxa” deu unha lección de madurez na pista e goleou ao Parrulo 7-2 remontando os dous goles que o equipo ferrolano encaixa na primeira parte.
O encontro comeza moi igualado e así se mantén durante a primeira parte, despois de numerosas ocasións por parte dos dous equipos, moitos balóns salvados por ambos porteiros así coma pola mala puntería, Novoa anota no minuto 15 o primeiro tanto, que comeza poñendo por diante no marcador aos Parrulos, un minuto después Iván Rumbo mete o 0-2. Pero o Burela aguanta o tipo e segue buscando o gol ata encontralo no minuto 18 nun tiro direto de Isma e xa no 19 o máximo goleador da Segunda Divisón, David Pazos, empata o encontro ata o descanso.
Durante toda a segunda parte o Pescados Rubén móstrase superior ao Parrulo, dende o principio comezan dominando o xogo e xa no minuto 23, despois dunha ocasión de Lucho, Antón Arnejo adianta ao Burela FS 3-2. Despois de dúas ocasións de Pazos, Rikelme aproveita un erro dos ferrolanos e anota o 4-2 no minuto 31. O entrenador alfocense Juanma Marrube recorre ao xogo de 5 buscando recuperar o encontro, pero o equipo de Rial aproveita os erros do Parrulo e no minuto 31 Alberto anota o 5-2 cun gol a porta vacía tras un resbalón de Rubén Orzáez. No 32 Pitero, de novo a porta vacía con porteiro-xogador, fai o 6-2. No minuto 36 Lucho culmina o 7-2 ao quedarse so tras unha xogada de equipo calificada por Julio Delgado, dende la grada, como “a mellor xogada da Liga”.
Moi contentos se van descansar soamente un día os “pícaros”, que xa entrenarán o domingo para prepararse para os próximos partidos xa que, ainda que o importante é a Liga e os próximos dous encontros contra o Alzira e o Zaragoza, o martes quererán dar a talla contra o Mallorca Palma Futsal nos Oitavos de Final da Copa da SM O Rei, que se disputará en Vista Alegre ás 20.30 horas da tarde.
Ficha Técnica
Pescados Rubén Burela FS: M. Kaluza (P), Pitero, Isma, Rikelme, David Pazos, – cinco inicial- Lucho, Bruno Expósito, Nando, Alberto, Antón Arnejo, Eloy de Pablos, Bruno (P).
O Parrulo Ferrol FS: Coro (P), Iván Rumbo, Adri, Kevin Chis, Hélder – cinco inicial- Turbi, Charly, Keita, Wilson, Pedro, Novoa, Orzáez, Noel, Regue (P)
Goles: Min.15 Novoa 0-1; min.16 Iván Rumbo 0-2; min.18 Isma 1-2; min.19 David Pazos 2-2; min.23 Antón Arnejo 2-3; min.29 Rikelme 4-2; min.31 Alberto 5-2; min.32 Pitero 5-2; min.36 Lucho 7-2.
Equipo Arbitral: Ignacio del Olmo, David Fernández, Iván Feliz Otero e Patricia Doval Rodríguez
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
