O parlamentario mariñán pon deberes ao Goberno de Pedro Sánchez ante a “desatención” que a comarca sofre en materia de mobilidade viaria
Burela, 7 de febreiro de 2023. O deputado e coordinador xeral dos populares lucenses, José Manuel Balseiro, vén de rexistrar unha iniciativa no Parlamento de Galicia coa que forzará ás forzas da oposición a pronunciarse en relación coa necesidade dunha restauración integral da estrada nacional 642 e a execución “inmediata” da Autovía da Mariña (A-74)
O parlamentario, portavoz de infraestruturas dos populares na Cámara galega, quere deste xeito que socialistas e nacionalistas voten sobre dous das principais eivas que ten o Goberno que preside Pedro Sánchez coa comarca da Mariña e conseguir así un mandato parlamentario expreso que os vincule a actuar, “abandonando a actual situación de parálise e desatención que a comarca sofre en materia de mobilidade viaria”.
Balseiro explica que “tivo que producirse un socavón para que desde o Ministerio sexan conscientes de que as estradas de competencia estatal adoecen de falta de mantemento e carecen dun plan rigoroso de conservación. E foi necesario tamén un corte na estrada que vertebra o litoral da Mariña lucense -hoxe un corte parcial- para darse conta de que o Ministerio non pode seguir mantendo no total esquecemento a autovía da Mariña, que ademais ve recortados ano tras ano os seus orzamentos, sen avances e sen un só quilómetro construído ou en obras”
Deberes a Pedro Sánchez
A iniciativa popular pon, polo tanto, “deberes” ao Goberno central en materia de infraestruturas para pedirlle prazos e datas concretas para acometer as obras de restauración e rehabilitación integral da estrada N-642 e demandarlle tamén que concrete os investimentos e o cronograma previsto para garantir a apertura desta estrada ao tráfico xeral “en condicións de normalidade, vialidade e seguridade”
Os populares someterán adicionalmente a debate a necesidade de que o Ministerio de Transportes acometa “de xeito inmediato e sen máis dilación”, a execución da autovía da Mariña “na totalidade dos treitos que unen as localidades de San Cibrao (Cervo) con Barreiros, e deste xeito garantir o seu enlace coa autovía do Cantábrico (A-8)”
Finalmente, a iniciativa pide ao Goberno central que desenvolva un plan de conservación anual, cíclico e periódico, para o conxunto das estradas nacionais, a imaxe do que executa a Xunta de Galicia nas estradas da súa competencia, e así evitar situacións de abandono e deterioro como as que se denuncian, por evidente falta de mantemento, en estradas de titularidade estatal, como a N-642 ou a N-120 Ourense-Lugo, entre outras.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
