Burela, 22 de febreiro de 2023. O Concello repartirá nos centros de ensino marca páxinas para celebrar o Día de Rosalía o 23 de febreiro. Haberá tamén un obradoiro creativo e unha actuación de Arume.
O concelleiro de Cultura, José Díaz, explicou hai uns días que “queríamos facer algún acto que escapara un pouco do habitual, entón pensamos en dúas cousas que puxeran de relevo a figura de Rosalía doutra maneira. Unha delas enfocada máis a cativos, cun obradoiro creativo que denominamos A miña Rosalía; trátase de decorar unha imaxe de Rosalía de Castro utilizando diversos materiais, como plastilina, papel, cores, abelorios, … Está enfocado a nen@s de 3 a 12 anos e farase mañá, día 23, a través de Gaia. Será na Casa da Cultura entre as 16:30 e as 19:00 horas. Durante ese tramo horario poden pasarse cando queiran @s nen@s, imos darlles un pequeno agasallo aos participantes e despois todas esas creacións de Rosalía que fagan expoñerémolas durante unha semana na Casa da Cultura para que as poidan ver eles, as súas familias e evidentemente toda a veciñanza de Burela”.
O edil burelés contou que “a segunda actividade que teremos é unha actuación ás 18:30 horas por parte do grupo Arume, de Burela, a cargo da súa sección infantil e xuvenil. Será diante da Casa Concello, onde está despregada a pancarta de Rosalía. Invitamos a que veñan ver esa actuación todos os que lles apeteza. E outra maneira, neste caso musical, de recordar a súa figura, tamén certamente polo vínculo que hai entre a literatura de Rosalía e a música porque moitas das súas poesías e composicións pasaron a ser letras de cancións tamén moi coñecidas dentro da música galega”. En caso de chuvia a actuación trasladarase á praza de abastos.
Ademais durante a xornada deste xoves, 23 de febreiro, o Concello repartirá nos CEIP e nos IES marca páxinas cun deseño moi atractivo da figura de Rosalía cunha composición súa. Díaz dixo que “serán en diferentes formatos, para que neses centros os directores e profesores os deixen nas bibliotecas, que é o sitio principal onde se accede á literatura nun centro escolar, para que así poidan coller alí os seus marca páxinas e levar sempre a figura da poetisa con eles cando estean lendo algún libro”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
