Ribadeo, 14 de febreiro de 2023. Co pregón que pronunciará o coñecido actor Carlos Blanco arrincará este venres, día 17, o Entroido 2023 en Ribadeo, que organizan o Concello e Acisa. Para acceder ao Teatro será preciso retirar entrada de balde desde unha hora antes do seu inicio.
O pregón desenvolverase no Teatro a partires das 19:30 horas. A concelleira de Cultura, Pilar Otero, subliñou que “será preciso retirar entrada, 1 por persoa, para asistir a este acto. Será de balde, pero queremos controlar así o aforo do Teatro. Imos abrir as portas para a retirada das entradas e para acceder ao seu interior ás 18:30 horas. E pecharemos as portas ás 19:25 horas. A asistencia estará limitada á capacidade do Teatro”.
A edil ribadense dixo que “queremos deste xeito que o acceso ao pregón resulte o mais ordenado posible. A capacidade das butacas é a que é. E unha vez que o Teatro estea cheo non se permitirá o acceso de mais persoas”.
Pilar Otero manifestou que “Carlos Blanco fará doblete o venres en Ribadeo. Será o pregoeiro do noso Entroido. E despois ofrecerá no auditorio municipal Hernán Naval o seu monólogo a partires das 21:00 horas. Neste caso o prezo da entrada xeral será de 10 euros e para persoas desempregadas, estudantes e xubiladas haberá prezo reducido, que será de 5 euros. A venda de entradas realízase ata o xoves de 9 a 14 horas no oficina da Área de Cultura (rúa Viejo Pancho, 12). Gardarase unha cantidade para vender o propio día da función, media hora antes do seu inicio”.
Desde o Concello e desde Acisa animan “á veciñanza a gozar da programación deseñada, que se desenvolverá desde o 17 ata o 25, día no que se celebrará a Queima. Polo medio haberá actividades para a xente miúda, a saída do cocho, a festa temática das superheroínas e do superheroes, as mascaritas, sorteos de agasallos e o desfile o día 21. Toca sacar os disfraces, deixar a un lado a rutina diaria e disporse a pasalo moi ben en Ribadeo”, comentou Carmen Cruzado, presidenta do colectivo empresarial.
A organización do Entroido anuncia que “haberá tamén filloas este ano os días 24 e 25 de febreiro. Pero xa iremos dando mais datos a medida que se acheguen esas xornadas”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
