Ribadeo, 13 de febreiro de 2023. Máis de 600 alumnas e alumnos dos centros de ensino de Ribadeo, Trabada, A Pontenova e Barreiros participan nas actividades organizadas este curso polo o Programa de Prevención de Drogodependencias e Outros Trastornos Aditivos do Concello ribadense.
En outubro, comezaron en Educación Primaria os obradoiros sobre Habilidades para a vida, que se están a desenvolver durante todo o curso en 5º e/ou 6º no Ceip Gregorio Sanz, de Ribadeo, no Colexio Sagrado Corazón tamén de Ribadeo, no Ceip Celso Currás, de Trabada, no Ceip Plurilingüe de A Pontenova, no Ceip de San Miguel de Reinante e no Ceip de San Cosme de Barreiros. En total participan 158 alumnas e alumnos de 10 a 13 anos.
Desde a Concellaría de Servizos Sociais, Mónica Freire, explica que “a educación en Habilidades para a Vida pretende dotar a cada persoa dunha batería de recursos persoais que lle axuden a obter o mellor de si mesmas, do seu mundo relacional e do entorno social, contribuíndo a previr riscos psicosociais de diversa natureza (abuso de drogas, acoso escolar,etc)”.
Desde o Programa de Prevención de Drogodependencias e Outros Trastornos Aditivos indican que “a 1ª sesión trata sobre a Autoestima, a 2ª sobre a Empatía e a 3ª sobre a Asertividade (en concreto, formas de dicir NON). A metodoloxía usada son audiovisuais e dinámicas de grupo co alumnado, polo que lles resulta moi ameno e divertido. Traballamos aula por aula, con grupos pequenos”.
Tamén se están a desenvolver actividades en Educación Secundaria e equivalentes:
Houbo unha charla informativa organizada o 21 de novembro sobre a Prevención do abuso de videoxogos/xogos de azar, a cargo da asociación Agalure de A Coruña, no que participaron 118 alumnos-as de 4º de ESO e FP Básica (15-16 anos).
E hai outras programadas para as vindeiras semanas. Así vaise celebrar unha charla coloquio sobre Instagram, Tik Tok e outras apps e a súa influencia no trastorno dismórfico corporal, que se celebrará o día 24 de abril para 2º e 3º de ESO e para FP Básica cun total de 153 alumnas e alumnos participantes de entre 13 e 16 anos. “Esta problemática parécenos tan importante que a imos a realizar tamén para familias e persoas interesadas en xeral”, segundo subliña Freire Rancaño.
A concelleira de Servizos Sociais engade: “estamos tamén desenvolvendo un programa de Prevención Secundaria co alumnado de FP Básica do CIFP Porta da Auga, de Ribadeo, sobre o consumo de cannabis (marihuana e haxíx) no que participan 15 adolescentes de entre 16 e 19 anos”.
Os centros de secundaria participantes son o IES de Ribadeo Dionisio Gamallo, o Colexio Sagrado Corazón e o CIFP Porta da Auga con alumnado de ESO e de Formación Profesional Básica. En total, entre 150 e 200 alumnas-os, dependendo do proxecto, xa que van dirixidos a distintas idades.
Desde o programa de Prevención de Drogodependencias e Outros Trastornos Aditivos do Concello ribadense e desde a Concellaría de Servizos Sociais agradecen “coma sempre a enorme colaboración de todo o persoal docente, equipos de dirección e equipos de orientación dos centros participantes. Pódense seguir todas estas actividades e cómo as imos desenvolvendo nas páxinas de Facebook e Instagram @adiccionszeroribadeo”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
