Con esta achega económica, Sogama quere cooperar nas tarefas de protección ambiental impulsadas polo goberno local, á vez que pretende amosar a súa gratitude ao Concello ao ter posibilitado a obra da planta de compostaxe
Cerceda, a 13 de febreiro de 2023. O presidente de Sogama, Javier Domínguez, e o alcalde de Cervo, Alfonso Villares, rubricaron hoxe, na sede da empresa pública, en Cerceda (A Coruña), o convenio de colaboración, que estará en vigor durante 1 ano, e que rexerá o financiamento, por parte de Sogama, de proxectos de utilidade pública de marcado carácter ambiental orientados a mellorar o benestar e a calidade de vida dos cervenses.
En concreto, Sogama achegará ao ente local 148.233,39 euros, contía que se destinará á execución das obras correspondentes ao proxecto de Rede de Distribución de Abastecemento en Trasbar Fase 1. Con este desembolso, a compañía quere cooperar nas tarefas de protección ambiental e amosar a súa gratitude pola xenerosidade do Concello ao posibilitar a obra da planta de compostaxe, situada no polígono industrial de Cuiña, que tamén estará ao dispor dos municipios máis próximos, axudándolles a dar debido cumprimento ás directrices europeas en materia de residuos.
Neste sentido, cabe lembrar que Europa esixe aos entes locais que teñan implantada a recollida diferenciada da materia orgánica a través do quinto contedor, de cor marrón, antes do próximo 31 de decembro.
SERVIZO A 15 CONCELLOS
Unha vez concluída a obra da planta de biorresiduos de Cervo, a instalación, logo das correspondentes probas de carga, entrará en funcionamento durante este primeiro semestre de 2023, e pasará a formar parte da rede da rede de infraestruturas deseñada pola Xunta co fin de que a meirande parte dos municipios adheridos a Sogama teñan acceso á valorización da materia orgánica e dispoñan dunha planta de biorresiduos, ou de transferencia, a menos de 50 km de distancia.
A instalación ocupa unha parcela de case 8.000 m2 e dará servizo a 15 concellos do arco cantábrico galego, aglutinando estes unha poboación de máis de 69.300 habitantes. Así mesmo, acollerá todo o proceso de compostaxe (pretratamento, fermentación, maduración e almacenamento), disporá de capacidade para tratar 3.000 toneladas de materia orgánica cada ano, ás que habería que sumar 1.600 toneladas de material estruturante (podas e restos madeira), e producirá ao redor de 1.500 toneladas de compost que se destinará, como fertilizante natural, ao sector da agricultura e xardinería.
Igualmente, a planta estará alimentada por enerxías renovables, contribuíndo con isto á loita contra o cambio climático, e contará con novos e innovadores sistemas de depuración de augas e de aire, así como de redución do nivel de ruído, garantindo desta forma unha operativa respectuosa coa contorna máis inmediata.
Javier Domínguez comprometeuse co rexedor a apoiar a estratexia ambiental do Concello de Cervo, dado o seu especial compromiso coa contorna, así coma coa saúde e o benestar da veciñanza.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
