Burela, 25 de agosto, 2026. As actividades de verán da Casa da Xuventude de Burela encaran a súa recta final cunha programación que, un ano máis, está a ter unha excelente acollida entre a mocidade do municipio. Onte celebrouse a última sesión de xogos tradicionais, conducida por Santiago e Toñito “Gacha”, das asociacións A Moncloa e Ledicia. A rapazada puido gozar de propostas como os zancos ou o aro, e mesmo descubrir a esbila, unha ferramenta tradicional empregada para sacar as castañas dos ourizos.
O tenente de alcaldesa, Mario Pillado, agradeceu “a participación dos rapaces e rapazas, así como o traballo de Santiago e Antonio e das asociacións Moncloa e Ledicia pola súa colaboración”. Engadiu que “seguimos coas actividades para poñer fin a unha programación que foi todo un éxito un ano máis”.
A Casa da Xuventude acolle desde o 13 de xullo un amplo programa organizado pola Tenencia de Alcaldía coa colaboración da área de Mocidade da Deputación de Lugo. Sesións de xogos tradicionais, fútbol na rúa e obradoiros de robótica e matemática conforman unha oferta pensada para proporcionar á mocidade de Burela unha alternativa de lecer, aprendizaxe e convivencia durante as vacacións de verán.
Unha trintena de rapazas e rapaces de entre 12 e 18 anos participan habitualmente nas actividades, que se desenvolven de luns a xoves e que rematarán este xoves, 27 de agosto. O deputado de Mocidade, Daniel García, e o tenente de alcaldesa, Mario Pillado, visitaron esta mañá unha das sesións, na que a rapazada traballaba na construción e programación de robots.
Pillado destacou que estas propostas “permiten que as rapazas e rapaces pasen unhas horas entretidas durante o verán e tomen contacto con actividades novas, que poden interesarlles e serlles de utilidade tamén de cara ao futuro”. Ademais, subliñou que esta programación é unha oportunidade “para que as cativas e cativos se acheguen á Casa da Xuventude, que conta con outros espazos de lecer e convivencia dispoñibles durante todo o horario de apertura do centro”.
Pola súa banda, o deputado Daniel García valorou “o compromiso da Tenencia de Alcaldía de Burela polas políticas centradas na infancia e mocidade, cun traballo sistemático e específico que se reflicte na programación de actividades ao longo do ano”. Destacou tamén “a aposta por dar un lugar central ás demandas e necesidades das xeracións máis novas, especialmente nun concello coma Burela, que está entre os de maior porcentaxe de poboación nova da provincia”.
A previsión meteorolóxica obriga a cancelar a sesión de fútbol na rúa prevista para mañá, mércores 26 de agosto. Así, despois da actividade de robótica de hoxe, o programa despedirase cunha xuntanza final o xoves 27, aberta a todos os rapaces e rapazas que participaron ao longo do verán. O Concello de Burela entregará un detalle de agradecemento a todas e todos eles.
A área de Mocidade da Vicepresidencia da Deputación de Lugo achega ao Concello de Burela 20.000 euros para as actividades dirixidas á infancia e mocidade que se programan ao longo do ano, entre as que se inclúen, ademais da programación de verán, as actividades de participación infantil da II Semana da Infancia, previstas do 19 ao 23 de outubro.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
