A Xunta ten plenas competencias en Sanidade segundo establece o Estatuto de Autonomía de Galicia. Non pode botar balóns fóra, ou botarlle as culpas a outros no que é responsabilidade súa. Foron os gobernos do PP os que recortaron máis de 1.100 profesionais na Atención Primaria”
Lugo, 13 de febreiro de 2023. A Secretaria de Organización do PSdeG na provincia de Lugo, Pilar García Porto, reclamou este luns á Xunta de Galicia que “escoite o clamor social” e que “arranxe a situación sanitaria da provincia de Lugo e de Galicia”. Así o dixo tras participar onte na manifestación en Santiago de Compostela que, baixo a convocatoria da plataforma SOS Sanidade Pública, reuniu a milleiros de persoas na capital galega e que foi todo un éxito de convocatoria.
Unha ampla representación dos socialistas da provincia de Lugo, formada por numerosos responsables do partido a nivel orgánico e cargos institucionais, así como afiliados e afiliadas, participaron nesta multitudinaria manifestación en defensa da sanidade pública, e contra os recortes e a privatización ós que a vén sometendo o Partido Popular dende o Goberno autonómico.
“O que vivimos onte en Santiago foi unha auténtica reivindicación dos servicios públicos na nosa comunidade. O PP ten que deixarse de parches e escusas, e debe arranxar os problemas da sanidade pública. Actúen xa”, subliñou García Porto.
Prepotencia e falta de resposta
Nesta liña, aludiu ás criticas da Xunta nas que asegurou que esta convocatoria estaba politizada. “A xente que leva meses en lista de espera non fai política. A xente que leva ó neno ó Hula porque non ten pediatra non fai política. A xente que non ten cita en Atención Primaria non fai política. O médico que dobra ou triplica turno non fai política. A cidadanía quere que os políticos lles dean solucións, e esta farta de sufrir a incompetencia de Alfonso Rueda e do Conselleiro de Sanidade, Julio García Comesaña”, dixo a Secretaria provincial de Organización.
Pilar García Porto explicou que a manifestación demostrou o “farta, preocupada e indignada” que está a sociedade galega no seu conxunto “co nefasto modelo de xestión da sanidade pública galega da Xunta”, e coa “prepotencia e a falta de resposta” do Goberno ante as súas demandas. “Levamos dende antes da pandemia con protestas nas catro provincias galegas, pero o PP sempre mirou para outro lado e negouse a aceptar a realidade”, asegurou.
“A Praza do Obradoiro estaba ateigada de profesionais sanitarios e cidadáns, e converteuse nun mosaico que representaba todas as eivas do modelo actual de xestión sanitaria da Xunta. Alí estaba o persoal sanitario que firma 300 contratos ó ano; os médicos que fan xornadas esgotadoras para cubrir as vacacións e as baixas dos seus compañeiros; os pais que non teñen pediatra no centro de saúde; as persoas en lista de espera de cirurxía; ou familiares de enfermos terminais que en lugar de atención a domicilio reciben unha chamada telefónica de seguimento”, sinalou.
Foi o PP o que recortou 1.100 profesionais
En canto á situación sanitaria da provincia de Lugo, lembrou que “arredor do 80% dos concellos teñen problemas endémicos na atención primaria e pedrátrica. Temos recentes as protestas da Mariña, e o HULA tense convertido, de facto, no único punto da provincia que garante a atención de urxencias pediátricas. Esta situación é insostible”.
García Porto remarcou que “a Xunta ten plenas competencias en Sanidade segundo establece o Estatuto de Autonomía de Galicia. Non pode botar balóns fóra, ou botarlle as culpas a outros no que é responsabilidade súa. Foron os gobernos do PP os que recortaron máis de 1.100 profesionais en Atención Primaria. Son os cargos do PP os que nos din que non pode haber pediatras en todos os concellos. É o PP o que deixa sen convocar as prazas de MIR que habilita o Goberno central, para logo botarlle ós socialistas a culpa da falta de médicos”.
“En Galicia os médicos e o resto de profesionais sanitarios non queren traballar nas condicións que impón o Sergas”, aseverou a Secretaria provincial de Organización. Por todo isto, recalcou, “é urxente que o PP escoite ós cidadáns e ós profesionais, e que atenda as súas necesidades e reclamacións. Hai que deseñar un modelo sanitario público que garanta atención de calidade en todo o territorio – sen esquecer o rural – cunhas condicións laborais dignas”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
