“Fronte a un PP que favorece o privado, no BNG queremos que a atención primaria volva ser o corazón do noso sistema sanitario público”, indicou
Santiago de Compostela, 13 de febreiro do 2023. A portavoz nacional, Ana Pontón, manifestou o seu orgullo “ante unha cidadanía galega que non se rende, que non cala e que se rebela contra un PP convertido nun perigo para a saúde dos galegos e das galegas”. A líder do BNG cualificou a manifestación a favor da sanidade pública como histórica, “a maior mobilización dos últimos 20 anos en Galiza”.
Pontón declarou que “tras trece anos de privatizacións e recortes do PP, a cidadanía saíu masivamente á rúa coa forza da razón e do corazón porque a saúde é o máis importante e co máis importante non se xoga”.
Os milleiros de manifestantes convocados desde a plataforma SOS Sanidade Pública dixeron “basta xa” aos recortes e privatizacións, ás listas de espera, a unhas urxencias saturadas, a PACs sen persoal médico, á precariedade do persoal sanitario e a milleiros de nenos e nenas sen pediatra asignado, indicou a portavoz nacional. “Este País decidiu darlle unha lección de dignidade a un PP instalado na soberbia política e nas mentiras sobre a sanidade”, declarou.
Fronte a isto, o Bloque propón alternativas “para que a atención primaria volva ser o corazón do noso sistema sanitario”, indicou.
Neste sentido, Pontón avanzou que o BNG ultima un modelo alternativo de atención primaria baseado en tres grandes piares: financiamento, dotación de capital humano e novos servizos sanitarios. Nese sentido, anticipou, a formación nacionalista traballa nunha proposta que blinde por lei o financiamento necesario até acadar as cifras recomendadas pola OMS, que fixa no 25% do orzamento sanitario total o que debe destinarse a primaria. E Galiza non chega á metade e é a segunda CCAA, despois de Madrid, con menor porcentaxe de investimento en atención primaria.
O segundo piar pasa polo capital humano, de tal xeito que será prioritario acabar coa precariedade dignificando as condicións laborais dos sanitarios e sanitarias, nesta mesma liña, inclúe tamén a creación de xerencias con capacidade de xestión. E o terceiro piar da alternativa do Bloque pasa por incrementar os servizos sanitarios que se prestan en primaria, como psicoloxía clínica, odontoloxía ou fisioterapia, entre outras.
“O BNG ten alternativas para reverter as consecuencias de catorce anos de recortes”, subliñou, tras poñer o foco nun dato concreto: entre o 2009 e 2023, primaria acumulou un recorte no investimento de 2.339 millóns de euros, como recollen os datos dos orzamentos remitidos ao Parlamento, “así é como o Partido Popular deteriora a sanidade pública para favorecer o negocio privado”.
Nesta situación, a portavoz nacional do BNG recalcou que a prioridade do BNG será sempre defender á cidadanía “na rúa e nas institucións dun goberno Partido Popular convertido nun perigo para a saúde dos galegos e as galegas, que non está á altura de Galiza e que ten que escoitar o que a cidadanía reclama”, concluíu.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
