É interesante que todos os veciños coñezan a “boa nova”: CHEGOU A FUSIÓN, e a maioría de nós sen darnos conta. Grazas que as autoridades municipais do Valadouro, que están sempre á última en normativa, se deron conta en forma e tempo e xa están a acatar as resolucións do concello veciño como válidas no noso, polo que puidemos deducir das explicacións que nos deu o excelentísimo alcalde, D. Edmundo Maseda, cando se lle preguntou sobre os permiso ou licencias dunha obra que se está a realizar un parente seu en Moucide e que causa malestar e protestas. De feito eu entereime porque outros propietarios interesados en pechar as súas fincas, desa e doutras parroquias, me chamaron explicando que cando preguntaran se lles impoñía un retranqueo que neste caso concreto non se levaba a cabo e non entendían a razón.
A resposta de alcaldía no Pleno Ordinario foi, por definila de algunha maneira, sorprendente. Explicounos que este era un caso moi particular porque a empresa encargada da obra “equivocouse” e solicitou os permisos en Alfoz. Que tiñan licenza dese concello e que por iso non se podía facer nada a pesar das protestas, das que dixeron dende equipo de goberno que xa eran coñecedores.
Tan sorprendente como esta resposta das nosas autoridades ou máis se cabe é que, polo que se deduce das explicacións dadas, no concello veciño nin o aparellador, nin secretaría, nin o propio alcalde, cando concederon a licenza se percataron de que a finca estaba fora do súa competencia e o que xa roza o absurdo é que se asuma a existencia dese papel ( que nós non vimos e que asumimos que pode ser un erro administrativo porque todos somos humanos) como razón suficiente para non escoitar as queixas recibidas.
Está claro que todos isto só ten sentido se a FUSION xa é unha realidade e dedúcese que a partir de agora poderemos facer os nosos trámites nas oficinas municipais que máis cómodas nos veñan en cada ocasión… todas son vantaxes.
¡¡¡¡¡ VIVA A FUSIÓN !!!!!!
P.D.: Dende os independentes só queremos que todos os veciños sexan tratados por igual e que a nivel municipal se facilite e axilice o máximo posible a obtención de licenzas porque o Concello é o órgano gobernamental máis próximo ó cidadán e debería axudar a que as iniciativas da veciñanza se leven a cabo.
¡¡¡¡¡ VIVA
María José Fernández Díaz
Representante de UDIVAL
Independientes do Valadouro
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
