Lourenzá, 31 de marzo de 2023. Esta Semana Santa en Lourenzá haberá o Vilou Spring Fest, no que actuarán a orquestra Panorama e Grupo Beatriz; a oitava concentración de vehículos clásicos VespaFaba & Clásicos e o XV torneo de baloncesto feminino Lourenzá en Xogo, que se recupera despois de non celebrarse durante a pandemia. Os tres eventos empezarán o día 6 de abril, Xoves Santo, e foron presentados conxuntamente nun acto que contou coa participación da alcaldesa, Rocío López, e representantes das organizacións das tres actividades.
A alcaldesa, Rocío López, anima “a toda a xente a que se achegue esta Semana Santa a Lourenzá porque temos unha programación moi completa, que aglutina desde o torneo de basket, no que participarán equipos de baloncesto feminino de toda España; haberá tamén concentración de vehículos clásicos; e moita festa, da man do Vilou Spring Fest, con dúas orquestras moi recoñecidas e que están moi de moda: o Grupo Beatriz e a Panorama. Polo tanto hai motivos de sobra para vir a Lourenzá”.
En representación do Vilou Spring Fest, Manolo Goas anunciou que o xoves ao mediodía haberá sesión vermú e pola noite a partir das 22:30 horas abriranse as portas para a actuación de Panorama. E o venres tamén haberá sesión vermú ao mediodía e á noite a partir das 22:30 horas teremos ao Grupo Beatriz co seu novo escenario para a xira 2023. Tamén comentou que o recinto estará cuberto con carpa, pero esperan que haxa bo tempo e non sexa necesaria.
O vicepresidente das Escolas Deportivas de Lourenzá, Miguel Gavín, explicou que se recupera o torneo de baloncesto feminino Lourenzá en Xogo, que non se disputou os anos anteriores debido á pandemia de Covid. Será xoves, venres e sábado coa participación de 20 equipos procedentes de diferentes lugares de España, como Valladolid, País Vasco, Pontevedra, A Coruña, Lugo, … E Gavín destacou que “Lourenzá transfórmase eses tres días porque atrae a moita xente”.
E por parte da asociación VespaFaba & Clásicos Lourenzá o seu vicepresidente, Antonio Irimia, anunciou que se celebra a oitava edición da súa concentración de vehículos clásicos e explicou: “xuntaranse motos, principalmente Vespas, e coches de distintos puntos de Galicia, de Asturias e tamén da provincia de León”.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
