Foz, 28 de marzo de 2023. O alcalde de Foz, Fran Cajoto, demanda lealdade institucional a Portos de Galicia e ao goberno da Xunta porque ve “inaudito” decatarse pola prensa das accións dese ente autonómico no seu municipio.
Fran Cajoto explica que “para mañá, mércores 29 de marzo, estabamos convocados a unha presentación do proxecto que teoricamente está a redactar Portos de Galicia en Porto Chico para dar solución aos problemas de calado e amarres, proxecto para o cal non hai asignada ningunha partida orzamentaria. O venres 24 de marzo ás 15.50 horas, mediante correo electrónico, anulábase a visita da presidenta de Portos a Foz por problemas de axenda. Ante a consulta do Concello indicábasenos que non había ningunha nova data proposta para a presentación. Ata aquí a información da que dispón o Concello. Pero despois desta anulación do venres Portos de Galicia decidiu utilizar politicamente a institución, organizando unha reunión co voceiro do Partido Popular este luns, á cal o Concello de Foz non foi invitado”.
O alcalde de Foz engade que “esta forma de actuar, completamente irrespectuosa cos veciñas e veciños que elixiron democraticamente aos seus representantes, demostra unha vez máis a falta da máis mínima consideración da Xunta cos concellos que non goberna o Partido Popular. Mañá, mércores, solicitaremos unha reunión de urxencia coa presidenta de Portos de Galicia para coñecer os avances dun proxecto que nos preocupa: o aumento de amarres ten que ir parello a unha zona de paso ampla e amable para o peón, dado que Tupide é unha conexión fundamental entre o propio peirao e a zona da Rapadoira”.
Cajoto remata comentando que “fóra de portos ou megaportos, aos cales o voceiro do PP de Foz nos tiña acostumados, agardamos que a xuntanza solicitada se celebre canto antes”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
