Ribadeo, 13 de abril de 2023. Os concelleiros de Deportes e Turismo, Jorge Díaz e Pablo Vizozo, subliñaron a repercusión económica que terán en Ribadeo os eventos de ximnasia rítmica que esta vindeira fin de semana reunirán a 1.000 ximnastas na vila. Os torneos foron presentados no Concello nun acto que contou tamén coa presenza da responsable da Escola de Ximnasia Rítmica Porta Norte, Nelly Bouso, e do técnico municipal de Deportes, Iván López.
Nelly Bouso, da Escola de Ximnasia Rítmica Porta Norte, explicou que “esta fin de semana vamos acoller en Ribadeo dous eventos diferentes: o primeiro, que vai ser o sábado, é a primeira fase do campionato provincial escolar clasificatorio para o campionato galego, e máis o de promoción e prebase. É un campionato oficial organizado pola Federación Galega de Ximnasia, no que nós colaboramos. E o domingo, igual que en anos anteriores, volvemos acoller a fase norte da Liga Interescolas”.
Bouso subliñou que “en total, en toda a fin de semana, van pasar polo pavillón de Ribadeo case 1.000 ximnastas. O sábado serán de todos os clubs da provincia de Lugo e o domingo participarán ximnastas tanto de Lugo como de Coruña porque é a fase norte, na que están estas dúas provincias”.
O concelleiro de Deportes, Jorge Díaz, tivo palabras de agradecemento para a Escola Porta Norte: “darlle as grazas de novo a Nelly e ao seu grupo de monitoras, que é moi grande e teñen unha implicación enorme, porque outro ano máis fan aquí este evento tan importante para o concello de Ribadeo e para a contornada. Desde a Área de Deportes axudamos, como sempre, aportando todo o que podemos, non só para este evento senón tamén durante o resto do ano porque este club de ximnasia rítmica tan importante cremos que debe seguir funcionando”.
E o concelleiro de Turismo, Pablo Vizoso, manifestou: “queremos agradecerlle á Escola de Ximnasia Rítmica Porta Norte, e concretamente a Nelly, a súa implicación na organización deste tipo de torneos, tanto do campionato provincial escolar como do torneo promoción e prebase, que se celebrarán este sábado; e o domingo a fase norte do torneo interescolas. En total vai contar coa participación dunhas 1.000 ximnastas nas nosas instalacións municipais. E tamén hai que salientar a enorme repercusión que este tipo de eventos teñen nunha vila como a de Ribadeo, non só xa no ámbito deportivo, que é evidente, senón tamén no aspecto económico”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
