José Manuel Gómez Puente di que a lista popular é un equipo con moita ilusión, que sabe “como mellorar os servizos que presta o Concello e temos vontade de chegar a acordos para conseguir recursos doutras administracións”
Barreiros, 28 de abril de 2023. O Partido Popular presenta en Barreiros ás eleccións locais que se celebrarán o 28 de maio unha candidatura amplamente renovada, cargada de ilusión e con profunda vontade de traballo ao servizo dos veciños. Así a define o candidato á alcaldía, José Manuel Gómez Puente, que explica que, dos 19 integrantes da lista, 15 son de nova incorporación.
O alcaldable destaca que na súa candidatura hai máis mulleres (10) que homes (9). Igualmente, pon de relevo o feito de que 8 das persoas que integran a lista teñen formación sociosanitaria, un aspecto relevante para un proxecto político -di Gómez Puente- que ten na súa folla de ruta como asunto prioritario a mellora dos servizos sociais no municipio.
Gómez Puente sinala: “Somos homes e mulleres que temos moitas ganas de traballar para mellorar a calidade de vida dos veciños de Barreiros; sabemos como mellorar os servizos que presta o Concello e temos vontade de chegar a acordos para conseguir recursos doutras administracións. Somos un equipo con moita ilusión e decisión para mellorar as cousas no concello de Barreiros e, se gobernamos, empezaremos a facelo dende o primeiro día”.
O alcaldable popular asegura que el e os que o acompañan na lista centrarán “todo o esforzo en conseguir investimentos e servizos para mellorar a calidade de vida dos nosos veciños”.
Dende a dirección provincial do PP sinalan que o goberno local de Barreiros, nestes catro anos, só destacou “polo que dixeron que ían facer e que non fixeron. Nin foron capaces de manter o que deixamos feito”. A dirección popular di que “Barreiros foi coñecido estes anos polo retroceso que sufriu; os veciños teñen agora unha oportunidade de comparar o que foi a xestión do PP coa destes que pasaron catro anos a velas vir”
A LISTA NOME A NOME
1. José Manuel Gómez Puente
2. María Ramona García de Gabriel
3. Pablo Posada Rocha
4. María del Mar Sante García
5. Manuel Alonso Díaz
6. María Leticia Fernández Rey
7. Laura López Paz
8. Carlos Pérez Martínez
9. Iván Otero Lende
10. Catalina Alvite Carreira
11. María Ángeles Sanjurjo Bermúdez
Suplentes
1. María Silvia Fernández Martínez
2. Sonia Outes Rúas
3. Paulino Loban Rodríguez
4. Yasmina Fernández Rivas
5. José Manuel García de Gabriel
6. Concepción Fernández Iglesias
7. Evencio Rocha Moreda
8. Juan Bautista Vila Lanzós
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
