Ribadeo, 20 de abril de 2023. A candidatura dos socialistas ribadenses para as eleccións municipais do 28 de maio está integrada por oito mulleres e seis homes. É unha lista renovada nun 70 por cento respecto á que presentaron no ano 2019.
A lista está encabezada pola actual voceira municipal e secretaria xeral do PSOE en Ribadeo, Marta García Rey, que ademais é coordinadora comarcal dos socialistas, membro da executiva provincial do partido e graduada en Turismo.
O número 2 da candidatura é Víctor López Pérez, empregado do Rexistro da Propiedade de Ribadeo que foi presidente do Ribadeo FC, presidente fundador da peña ribadense do Athletic de Bilbao e directivo doutras entidades deportivas locais. Ademais ocupou varios cargos en diferentes etapas no PSOE de Ribadeo.
No terceiro lugar da lista está Camilo Vázquez Corveiras, que é enfermeiro, técnico de emerxencias sanitarias e formador.
A número 4 da candidatura é María Teresa Pérez Sanz, informadora turística e empregada dunha empresa de loxística.
A médica oftalmóloga María Lidia Gómez Conde é a número 5 da lista.
O número 6 é Juan Ramón Martínez Pérez, traballador de supermercado.
No sétimo lugar da candidatura está a ama de casa Celia Vila Lombardero.
O autónomo David Fernández Feijoo é o número 8 da lista.
No número 9 está Amaia López Vivas, estudante de Filoloxía Hispánica e membro de Xuventudes Socialistas.
O 10 é Justo Enrique Navarret Mon, administrativo na Confraría de Pescadores de Ribadeo.
Outra integrante de Xuventudes Socialistas, Myriam Álvarez Legazpi, que é socorrista, ocupa o número 11.
A empresaria Aline Karina Canero Rego vai no número 12.
No 13 está o xubilado José Ramón López López.
E no número 14 vai Lorena Ramón Bouso, que é traballadora en loxística internacional.
Sobre a candidatura, Marta Rey destacou que é “integradora, representa a diferentes sectores da sociedade ribadense e está renovada nun 70 por cento respecto á que presentamos nas eleccións municipais de 2019. Todos temos moita ilusión e ganas de traballar para mellorar o futuro de Ribadeo”.
A lista será presentada proximamente nun acto público.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
