O vicepresidente primeiro da Fegamp e rexedor cervense, Alfonso Villares, participou na presentación, na Casa do concello de Navia de Suarna, do proxecto Retturn:rede de experiencias turísticas baseadas na tradición oral, un proxecto financiado a través dos fondos NextGeneration da Unión Europea, que supón un investimento total de 1.200.000 euros. O obxectivo xeral deste proxecto, tal e como explicou Villares, pasa por impulsar proxectos de redes de actores que desenvolvan experiencias turísticas sostibles, dixitais, integradoras e competitivas en España en municipios de menos de 5000 habitantes.
Presentación proxecto Retturn
Relacionado
-
Dende este mércores 27 de maio, e ata o venres 29, permanecerá cortado ao tráfico un treito da estrada provincial LU-P-4802 debido ao inicio dos traballos de aglomerado en quente nesta vía, que conecta Santalla coa Ponte Soutelo, no concello de Ribeira de Piquín
-
Sargadelos: industria, natureza e historia nunha visita guiada aberta ao público
-
Os Técnicos Superiores e de Grao Medio concentráronse este luns, 25 de maio, no Hospital Público da Mariña para reclamar avances reais nas súas condicións laborais
A iniciativa, impulsada por Pilar García Porto para celebrar o Día da Transrománica, desenvolveuse en cinco xornadas con 16 rutas guiadas e gratuítas que puxeron en valor o patrimonio románico da provincia. A alta demanda en concellos como Taboada, Sober, Antas de Ulla, Viveiro ou Pantón confirma o interese polo turismo cultural e avala o modelo da Deputación, baseado na valorización do patrimonio como motor económico e social. As rutas permitiron descubrir o románico das Terras da Ulloa, da Ribeira Sacra e da capital lucense, consolidándose como unha proposta estable dentro da estratexia turística provincial.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
