Foz, 28 de abril, 2023. Baixo o nome poético “Aos pés de Cornería” coa imaxe de durmir debaixo deste monte mítico da zona de etimoloxía anglosaxona e porteador de diversas lendas, celebrase por segunda vez o mercado de proximidade en Vilaronte (Concello de Foz) pola As. Cultural O Atrio.
O mercado ten como propósito visibilizar aos productores, artesáns,iniciativas culturais da comarca, aos autónomos da zona, a arte da vecindade, e dinamizar a parroquia de Vilaronte cargada de historia que comeza a sofrer os efectos da despovoación. Concienciar no consumo próximo, valorar a quen temos ao lado, e fixarnos no relacionamento como eixo vertebrador dos procesos colaborativos son o camiño para unha base social máis unida.
O poder da nostalxia, da memoria da infancia, doutro tempo máis colaborativo ou cooperante, fai que o mercado de Vilaronte sexa un lugar de encontro na Mariña para sentir o tempo lento, as conversas, e o bulir interxeracional.
É pois o centro de Vilaronte, o atrio, o lugar de xuntanza de, entre outros, estes postos: verduras, artesanía; arte, música, poemarios, libro, embutidos, xoias, coiro…
Programa. Domingo, 7 de Maio
Ás 10:00h apertura do mercado
Ás 11:00h Charla “Técnicas de conservación de alimentos e envasado de produtos da tua Horta”, impartida por Jesús Villarino e Bruno Pena (Asociación de Cociñeiros de Lugo)
Ás 11:30h pasarrúas a cargo de “Os Petapouco”, percusión da Comparsa Ruxe Ruxe
A partir das 11:30h Obradoiro para nen@s
Ás 12:30h actuación do Cuarteto Tradicional Xaramolo (Programa Tradigalu 2023-
Vicepresidencia. Deputación de Lugo)
Ás 13:30h VermuToxo a cargo de TOXO GUAYABA
Ás 16:00h o Mago David Méndez presentaranos o seu espectáculo “Maxia de aquí e de acolá”, dirixido a todos os públicos (Programa Xunt@s polo serán – Vicepresidencia. Deputación de Lugo)
A partir das 17:00h Tardeo ata que toleo a cargo de Dj Senín (Eventec) A mediodía contaremos con pulpo a cargo de Pulpería Maciñeiras Tamén contaremos con: tortos de zorza, pizzas, empanada e embutidos.
Vilaronte, lugar do “Mercado A os Pés de Corneria”
Esta parroquia limita coa de S. Martiño, toca no mar por Mañente, ademais de limitar co concello de Barreiros. Presenta unha extensión de 11,9 km2 e actualmente conta con 789 habitantes, sendo así unha das máis poboadas. Noutra época houbo en Vilaronte unha actividade industrial considerable, sendo a etapa máis próspera a dos anos 50 ós 60, grazas a industrias como “Dalo”, que alí tiñan a súa sé central. A decadencia e posterior desaparición destas empresas causou unha importante recesión laboral, o que provocou un considerable éxodo cara a emigración. Símbolo da lembranza a estas persoas emigradas elaborouse un monumento ao carón da igrexa parroquial.
Precisamente no entorno desta igrexa realizarase este mercado , ocupando o Atrio da Igrexa e a rúa que vai ata o cemiterio de Vilaronte.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
