A institución colabora co Concello de Viveiro na mellora de equipamentos deportivos, mantemento de insfraestruturas, accesos a vías municipais, dotación de alumeado público e promoción turística; e con Burela para a renovación integral dunha parte do parque infantil de Rosalía de Castro, situado xunto á rúa Pardo Bazán
Lugo, 19 de maio de 2023. A Xunta de Goberno da Deputación de Lugo aprobou este venres investimentos por importe total que supera o millón de euros para continuar mellorando a mobilidade nas estradas provinciais, dotar de máis e mellores servizos públicos á veciñanza, e apoiar iniciativas e eventos para a promoción da provincia. Así o anunciou a voceira socialista do Goberno, Pilar García Porto, quen informou dos acordos adoptados na reunión celebrada esta mañá.
Por unha banda, quedaron adxudicadas por 180.000€ as obras de mellora da estrada provincial LU-P-2801, que vai de San Adriano a Augaxosa ao seu paso polo concello de Lourenzá. As obras foron adxudicadas á empresa Construcciones Isidro Otero SL e o prazo de execución é de dous meses.
O proxecto contempla a limpeza dos laterais da estrada; e as actuacións necesarias para ter un bo sistema de drenaxe co fin de garantir a correcta evacuación das augas cando chova; así como o aglomerado en quente do firme, a colocación das arquetas e sumidoiros, e a sinalización horizontal.
Con esta actuación, explicou Pilar García Porto, “damos resposta a unha petición feita pola Alcaldesa de Lourenzá, para acondicionar esta vía, que dá servizo a centos de veciños e veciñas, tanto deste concello mariñano, como de Riotorto”.
Por outra banda, na Xunta de Goberno de hoxe saíu adiante a licitación de obras en Ribeira de Piquín por un importe de 120.000€ para a renovación da estrada LU-P-4606, que vai de Rioxoán, por Boel, Chao de Pousadoiro e Carballido, a Asturias, nun treito de 7 quilómetros, entre os puntos quilométricos 15,980 e 23,130.
Na reunión, o Executivo aprobou tamén licitar por 65.000€ o contrato para a reposición da sinalización horizontal da LU-P-0708, que une Cereixal con Louxas, dende o inicio da vía ata o quilómetro 26, e que dá servizo aos concellos de Baleira, Becerreá, A Fonsagrada e Navia de Suarna.
Ademais, acordou a licitación das obras para o acondicionamento do firme de dúas estradas provinciais no Saviñao por un importe conxunto superior aos 176.000€. Trátase, por un lado, da mellora da vía de Lamaquebrada a Montecelo, a LU-P-5807, nun treito de 6 quilómetros desde o inicio da vía; e, por outro lado, da mellora dos primeiros 5 quilómetros da LU-P-5808, que pasa polo lugar de Valiñocobo.
Dotacións municipais
A Xunta de Goberno de hoxe aprobou un acordo de colaboración a través do que a Deputación de Lugo achega 115.000€ ó Concello de Viveiro para melloras de equipamentos deportivos municipais, mantemento de infraestruturas, accesos a vías municipais, dotación de alumeado público e a iniciativas de promoción turística.
Entre as actuacións que o Concello acometerá con esta aportación destaca a dotación de alumeado público no lugar de Nogarido, na parroquia de Chavín; a instalación eléctrica no recinto do Colexio Plurilingüe de Galdo e o acondicionamento do campo da Urraca. Así mesmo, realizaranse melloras no lugar de Xunqueira; e a renovación da Avenida de Cervantes coa colocación de novo adoquín e zona arborada que ofrecerá unha nova imaxe da súa contorna.
Aprobado tamén un acordo co Concello de Burela a través do que a Deputación financiará con 115.000€ a renovación dunha parte do parque infantil de Rosalía de Castro. O proxecto, que ten un orzamento total de preto de 146.000€, dos cales 31.000€ asúmeos o propio Concello, renovará por completo a zona de xogos xunto á rúa Pardo Bazán, substituíndo o chan e mobiliario existente, e incorporando novos xogos.
A institución provincial aprobou investir 184.000€ en Ribadeo para a adecuación e humanización do aparcadoiro da rúa Pipelo. A maiores, aportará ó Concello preto de 50.000€ para a adquisición e instalación de persianas motorizadas na Praza de Abastos ribadense.
Así mesmo, a Xunta de Goberno acordou destinar máis de 22.000€ ó Concello de Sarria para colaborar na adquisición e instalación dun vídeomarcador no pavillón José Mario González, e preto de 5.000€ para apoiar a organización das Xornadas Xurídicas de Sarria.
Por outra banda, a Deputación apoiará á Asociación de Desenvolvemento Rural Serra do Courel cunha aportación de 40.000€ para desenvolver a actividade 2023, un ano no Courel, dirixida á promoción da riqueza etnográfica e ecolóxica da Serra courelá.
Dixitalización do BOP
Finalmente, a Xunta de Goberno deu o visto bo á contratación dos traballos de dixitalización do Boletín Oficial da Provincia de Lugo entre os anos 1984 e 2003 por un importe de 26.500€. Estas tarefas levan consigo a dixitalización dun total de 73.000 páxinas do BOP, e terán unha duración de 5 meses dende a sinatura do contrato.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
