O marco da XIX Feira Expomar acolleu na tarde do xoves a primeira sesión das XXX Xornadas Técnicas, que virou sobre a “Xestión Pesqueira”, con especial atención ás leis de pesca marcadas pola Unión Europea.
Burela, 11 de maio, 2023. A 30ª edición das Xornadas Técnicas de Expomar inaugurouse na tarde do xoves coa presenza da secretaria xeral de Pesca do Ministerio de Agricultura, Pesca e Alimentación, María Isabel Artime García, e o alcalde de Burela e presidente da Fundación Expomar, Alfredo Chairo; como cada ano desde o salón de actos da Confraría de Pescadores de Burela, aínda que tamén se poden seguir en directo a través da web: www.expomar.com/xornadas-tecnicas.
A secretaria xeral de pesca relatou as principais prioridades da nova presidencia de España da Unión Europea, que pasan pola autonomía alimentaria, a descarbonización da frota, a substitución xeracional e mellorar o procedemento de toma decisións na UE, especialmente na determinación de tacs e cotas.
A primeira xornada tratou sobre “Xestión Pesqueira” e estivo moderada por Javier Garat, secretario xeral de Cepesca, que abriu a sesión lendo as conclusións do XXIV Encontro Empresarial, que se celebrou pola mañá, e que están relacionadas coas políticas europeas, revisión da normativa española, substitución xeracional e formación, asuntos económicos, comunicación e comercialización.
Precisamente a primeira das presentacións do día foi a “Lei de Pesca Sostible”, a cargo da secretaria xeral de Pesca do Ministerio de Agricultura, Pesca e Alimentación, María Isabel Artime García. A continuación, Jacopo Pasquero, asesor de asuntos internacionais da European Bureau for Conservation and Development (EBCD), presentou “Gobernanza de los oceános y sostenibilidad de la pesca”.
O director xerente de Europeche, Daniel Voces, tratou os “Desenvolvementos lexislativos na UE: análise e desafíos”. E finalmente a catedrática de dereito administrativo da Universidade da Coruña e membro do Observatorio Litoral da UDC, Marta García Pérez, presentou “Unha proposta de reformulación dos POEMs: a Pesca como uso prioritario esencial”.
A segunda xornada, que se celebrará na mañá do venres, tratará temas máis sociais, de comercialización e alimentación baixo o título “Socio Economía” e estará moderada por Antonio Basanta, director xeral de Pesca, Acuicultura e Innovación Tecnolóxica da Xunta de Galicia.
Na xornada do venres intervirán Elena Martínez Carqués, directora do Instituto Social da Mariña (ISM); Juan M. Trujillo, presidente da sección europea pesca de EFT e secretario de pesca FSC de CCOO; Carlos Buxadé, doutor, catedrático e profesor emérito da Universidade Politécnica de Madrid; e Federico Mallo, catedrático de endocrinoloxía da Universidade de Vigo e membro do padroado da Fundación Dietlántica.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
