A asociación ecoloxista ADEGA emprenderá accións xudiciais contra aqueles proxectos macroeólicos que teñan un maior impacto sobre o patrimonio natural e cultural de Galiza, alén daqueles que conten cunha maior oposición social
Santiago de Compostela, 16 de maio de 2023. Tras a negativa da Xunta e do Estado español a escoitar os milleiros de voces que reclamamos nos últimos dous anos por todas as vías posibles unha transición enerxética xusta e sustentábel e unha planificación eólica por e para o pobo, desde ADEGA non nos queda máis remedio que intentar frear nos tribunais a actual avalancha eólica depredadora e especulativa cos recursos de todos os galegos e galegas. Para poder acadar tal fin, a Asociación para a Defensa Ecolóxica de Galiza (ADEGA) recupera a campaña de recadación colectiva e solidaria “Ti podes paralos!”, como única forma posíbel de poder emprender accións xudiciais contra boa parte dos 75 proxectos macroeólicos aprobados pola Xunta de Galiza o pasado 25 de abril, e que exercerán potencialmente danos ambientais, culturais e sociais irreversíbeis para o país.
A campaña “Ti podes paralos!” rexorde sete meses despois de ter conquirido un éxito sen precedentes, ao acadar en tan só unha semana o importe necesario para poder afrontar as caucións impostas polo Tribunal Superior de Xustiza de Galiza e así dar efectividade á paralización cautelar dos proxectos eólicos Bustelo e Campelo. Agora, ADEGA recupera esta campaña coa esperanza de que a solidariedade colectiva volva contribuír a un reto histórico para o país: defender o rural e o medio ambiente galegos da actual depredación eólica nos tribunais, emprendendo accións xurídicas contra a maior parte dos proxectos macroeólicos depredadores autorizados pola Xunta e o Estado español na recente vaga eólica.
Acorde coa súa misión e valores, ADEGA dará prioridade a aquelas accións xurídicas fronte a proxectos eólicos autorizados que teñan un especial impacto negativo sobre o patrimonio natural e cultural de Galiza, mais tamén promoverá campañas de recadación na defensa do territorio que conten cun forte apoio social e que consigan dar viabilidade económica aos procedementos xudiciais en vía contenciosa-administrativa.
O primeiro desafío: levar o P.E. Rodicio II ante a Xustiza!
ADEGA inicia a nova xeira de “Ti podes paralos!” co lanzamento dunha campaña de recadación solidaria específica para poder recorrer nos tribunais o proxecto eólico Rodicio II, aprobado nos concellos ourensáns de Maceda e Montederramo, e cuxa autorización foi publicada no DOG o pasado día 8 de maio. O proxecto aprobado prevé a instalación de 2 aeroxeradores de 180 metros de altura e de máis de 10 MW de potencia a escasa distancia do espazo natural protexido e zona de Rede Natural ZEC Bidueiral de Montederramo. Os impactos deste complexo eólico sobre a avifauna, especialmente nas poboacións de rapinas ameazadas, poderían ser letais, pois sitúase moi preto dunha área prioritaria para a preservación da avifauna e é área de campeo da aguia real (Aquila chrysaetos) e do millafre real (Milvus milvus), ambas consideradas “en perigo de extinción” nos catálogos galego e español de especies ameazadas. Ademais, o Rodicio é un dos principais “sitios de interese” ou “hotspot” para a observación de aves de Galiza.
O primeiro reto desta campaña ou desafío específico é o de acadar un importe mínimo de 3.650 euros no período de 1 mes, ata o 16 de xuño, para a presentación do recurso de alzada e a elaboración do informe técnico ambiental. De conseguir este reto no prazo establecido, ADEGA iniciará un novo prazo de recadación pola mesma cantidade destinada a conquerir os fodos necesarios para interpoñer recurso contencioso-administrativo no TSXG e solicitar a paralización cautelar do proxecto.
Web de doazóns para o desafío TPP – Rodicio II: https://tipodesparalos.helpbysc.com/rodicioii
Como vai funcionar a campaña #TiPodesParalos?
As doazóns recadadas a través da campaña #tipodesparalos irán destinadas a cubrir os custos totais derivados da presentación do recurso de alzada e do recurso contencioso-administrativo no Tribunal Superior de Xustiza de Galiza contra a autorización administrativa previa e de construción dos proxectos eólicos presentes na campaña, así como á solicitude de paralización cautelar.
ADEGA ofrece dúas formas de facer as doazóns: por desafíos, apoiando economicamente o recurso dun ou varios proxectos eólicos concretos; ou a un fondo común da campaña, destinado a apoiar os recursos de parques eólicos que máis o precisen ou que máis contribúan a defender o interese común e o medio ambiente galego.
En todos os casos, a recadación será progresiva e fixada en diferentes retos correspondentes coas distintas fases da acción xurídica. Esta fórmula ofrece unha maior transparencia sobre a evolución da campaña e maiores garantías fronte aos riscos asociados.
Chamamento público á solidariedade do pobo galego
ADEGA fai de novo un especial chamamento á cidadanía galega a participar e espallar activamente esta campaña, chave para facer fronte á actual avalancha eólica. Todas as doazóns recibidas a través desta campaña desgravarán en Facenda e serán integramente destinadas aos obxectivos de “Ti podes paralos!”. Deste xeito, no caso de que non se acade o obxectivo mínimo de recadación para poder iniciar o procedemento xudicial contra a autorización dun proxecto eólico concreto, as doazóns pasarán a formar parte do fondo común da campaña, ou fondo de reforzo destinado a apoiar aqueles desafíos que estean a piques de conseguirse no prazo límite de vencemento da campaña ou a aqueles recursos contra proxectos eólicos que contribúan en maior grao a defender o interese común e o medio ambiente galego. Entre todas, podemos conseguilo! Na web da campaña “Ti podes paralos!” iranse actualizando os diversos desafíos de recadación solidaria que emprenderá ADEGA nas vindeiras semanas contra a actual ofensiva eólica: https://tipodesparalos.helpbysc.com/inicio
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
