Burela, 16 de maio, 2023. Rematan as XII Xornadas Formativas 2023 organizadas pola Fundación Imdecum en colaboración coa Deputación de Lugo e o IES Monte Castelo de Burela celebrada a terceira sesión no día de onte, luns 15 de maio. Como cada ano, a actividade levouse a cabo ao longo de varias sesións nas que diferentes profesionais do deporte nos darán unhas nocións básicas e introductorias sobre diferentes disciplinas.
Para a apertura da actividade tratouse o Deporte Estrela da comarca, o fútbol sala, o mércores día 10 ás 16.15 horas no Pavillón Monte Castelo de Burela. Cunha clase maxistral teórico-práctica sobre os “Fundamentos e técnicas básicas do Fútbol Sala”, impartida polo adestrador do equipo masculino do Pescados Rubén Burela FS, David Rial. O xove e formado técnico continúa demostrando o seu saber facer durante esta tempada no equipo mariñano que, despois de realizar unha tempada inmellorable, competirá polo ascenso a Primeira Federación durante as próximas semanas nas fases dos playoff. Provinte do Santiago Futsal onde deu os seus primeiros pasos e foi adestrador asistente en Primeira Federación (2015-2018) e primeiro adestrador en Segunda Federación (2019-2021).
Na segunda sesión o tema a tratar será “Forza, rendemento e saúde”, o xoves día 11 de maio ás 9.30 horas no ximnasio do Pavillón Municipal Vista Alegre de Burela. Dan man do recoñecido adestrador checo Mirek Kadlec, que nos falou sobre a relación e beneficios de prácticas máis enfocadas ao adestramento físico. Kadlec é profesor no centro Gymnasium Prípotcní de Praga, co que o IES Monte Castelo comparte un proxecto educativo dende fai máis de 20 anos, motivo polo que o profesional da eduación física se atopa na comarca actualmente, realizando un Jobshadowing dentro do programa Erasmusplus. Ademáis de mestre tamén conta cun centro deportivo, xa que é un recoñecidísimo adestrador persoal a nivel nacional e conta con numerosos premios. Todo un referente na República Checa.
Por último rematamos as xornadas cun interesantísimo relatorio sobre “Artes Marciais Orientais. Nocións básicas e evolución ata hoxe”, que terá lugar o luns día 15 de maio ás 17.45 horas. Neste caso será o experto en artes marciais, especialmente en Kung-fu Arturo Fernández que nos presentará en termos xerais as diferentes artes marciais que imparte, sobre todo, relacionadas coa defensa persoal. Ensinándonos a distinguir entre unhas e outras segundo a historia e finalidade que busca cada unha delas. Unha introducción aos aquí tan famosos coma descoñecidos conceptos sobre as artes da loita orientais. Arturo, ademáis de levar unha coñecida librería en Burela (Nobel Burela), comezou no mundillo das artes marciais aos 6 anos a través do Judo, no que competíu ao longo de moitos anos. Por motivos laboráis trasladouse á Mariña Lucense onde comezou a estudar máis artes marciais con Miguel Ángel Rojo. Hoxe en día practica IAIDO, taijitsu, aikijujutsu, Kung-fu, varias especialidades e estilos de Taiji quan e Qi gong. Viaxou a China en varias ocasións para aprender a técnica do kung-fu do que é árbitro e instrutor nivel 2.
As xornadas foron impartidas ao primeiro curso de TSEAS do IES Monte Castelo, aínda que tamén era aberto ao público.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
