Burela, 19 de maio, 2023. Patricia González, Peque, non foi unha xogadora máis en Pescados Rubén Burela FS. A nosa eterna capitá fíxonos gozar en diferentes etapas, do seu xogo e paixón en Burela, sendo unha parte importante do club, os seus éxitos deportivos e os seus avances sociais. Un referente dentro e fóra da pista.
Con todo, todas as etapas – por moi boas que sexan – teñen un fin, e Peque dirá adeus ao Pescados Rubén Burela FS ao finalizar esta tempada. Unha despedida que será só un “ata sempre”, xa que esta sempre será a súa casa.
Peque chegou a Burela na tempada 2011-12, permanecendo no club 5 anos. Na tempada 2018-19 volveu dende Italia e formou parte, como unha da xogadoras clave, do mellor momento histórico deportivo do Pescados Rubén Burela FS.
Durante este tempo Peque conseguiu 4 Ligas nacionais, 6 Copas da Raíña, 5 Supercopas de España, gañar a 4Nations Futsal en Italia, a Futsal Women’s European Champions en Lugo e 5 Copas Galicia. Ademais, durante este período tamén gozou de grandes éxitos coa Selección Española, logrando 3 Eurocopas.
Unha gran campioa, unha gran Guerreira Laranxa, merécese unha despedida ao grande xunto á súa querida afección e ao pobo que a viu crecer profesionalmente, converténdose nunha das mellores xogadoras do mundo de fútbol sala. Para nós, A MELLOR, sen ningún tipo de dúbida. Por iso, durante o partido desta fin de semana en Vista Alegre, realizarase un acto homenaxe a Peque, un acto especial para dicirlle “ata sempre” á nosa capitá. Estades todos convidados!
Desde Pescados Rubén Burela FS queremos darlle as grazas a Peque por tantos anos de compromiso e profesionalidade, unha xogadora de club que sempre será un referente en Burela.
Grazas Peque, grazas capitá!
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
